ലോക ബാഡ്മിന്റൺ ചാമ്പ്യൻഷിപ്പ് വനിതാ സിംഗിൾസിൽ ഇന്ത്യയുടെ പി വി സിന്ധു സെമിയിൽ. അഞ്ചാം സീഡ് ചൈനയുടെ സൺ യുവിനെ നേരിട്ടുളള സെറ്റുകൾക്ക് കീഴടക്കിയാണ് സിന്ധു സെമി ബർത്ത് ഉറപ്പിച്ചത്.
സ്കോർ 21 – 14, 21-9. സെമിയിൽ പ്രവേശിച്ചതോടെ സിന്ധു മെഡൽ ഉറപ്പിച്ചു.
അതേ സമയം പുരുഷ സിംഗിൾസിൽ ഇന്ത്യയുടെ കിടംബി ശ്രീകാന്ത് സെമി കാണാതെ പുറത്തായി. ലോക രണ്ടാം നമ്പറും ഒന്നാം സീഡുമായ ദക്ഷിണ കൊറിയയുടെ സൺ വാൻ ഹോ നേരിട്ടുള്ള ഗെയിമുകൾക്കാണ് ശ്രീകാന്തിനെ കീഴടക്കിയത്.സ്കോർ 21-14,21-18.
നാലാം ക്വാർട്ടർ മത്സരത്തിൽ സൈന നെഹ്വാൾ സ്കോട്ലൻഡ് താരം ക്രിസ്റ്റി ഗിൽമോറിനെ നേരിടും.
