IndiaDefence

എഴുപത് കിലോമീറ്ററിനുള്ളിൽ കടന്നാൽ ഭസ്മമാക്കും : മദ്ധ്യദൂര മിസൈൽ മൂന്നു വർഷത്തിനുള്ളിൽ സൈന്യത്തിന്

ന്യൂഡൽഹി : എഴുപത് കിലോമീറ്ററിനുള്ളിൽ കടക്കുന്ന ശത്രുവിന്റെ ഏത് വ്യോമ ആക്രമണത്തേയും ഭസ്മമാക്കുന്ന മിസൈൽ മൂന്നു വർഷത്തിനുള്ളിൽ ഇന്ത്യൻ സൈന്യത്തിന് . മദ്ധ്യ ദൂര ഭൂതല വ്യോമ മിസൈലാണ് 2020 ഓടെ കര സൈന്യത്തിന്റെ പ്രഹരശേഷിക്ക് മുതൽക്കൂട്ടാകുന്നത് .

ഇസ്രയേലുമായി ചേർന്ന് ഡിആർഡിഒ നിർമ്മിക്കുന്ന മിസൈലിന് മറ്റ് മിസൈലുകളേയും ഡ്രോണുകളേയും ഹെലികോപ്ടറുകളേയും വെടി വെച്ച് വീഴ്ത്താൻ കഴിയും . നിലവിൽ വ്യോമസേനയ്ക്കും നാവിക സേനയ്ക്കും മാത്രമാണ് ഈ മിസൈലുകൾ ഉള്ളത് .

ഇസ്രയേൽ എയറോസ്പേസ് ഇൻഡസ്ട്രീസുമായി പതിനേഴായിരം കോടിയുടെ കരാറിലാണ് ഡിആർഡിഒ ഒപ്പിട്ടിരിക്കുന്നത് . 70 കിലോമീറ്ററാണ് ദൂരപരിധി. 200 മിസൈലുകൾ അടങ്ങുന്ന 40 ഫയറിംഗ് യൂണിറ്റുകളാണ് 2020 ഓടെ കരസേനയ്ക്ക് ലഭിക്കുക.

വ്യോമമാർഗ്ഗമുള്ള ഭീഷണികളെ ശക്തമായി നേരിടാൻ കരസേനയെ സഹായിക്കാൻ ഈ മിസൈൽ സംവിധാനത്തിന് കഴിയും. 25 കിലോമീറ്റർ ദൂരപരിധിയുള്ള ഇന്ത്യൻ നിർമ്മിത ഭൂതല വ്യോമമിസൈൽ ആകാശ് നേരത്തെ തന്നെ സൈന്യത്തിന്റെ ഭാഗമാണ് .

 

3K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close