ന്യൂഡൽഹി: ദേശീയ കായിക ദിനത്തോട് അനുബന്ധിച്ച് രാജ്യത്തെ മികച്ച കായിക താരങ്ങൾക്കുള്ള പുരസ്ക്കാരങ്ങൾ വിതരണം ചെയ്തു. രാഷ്‌ട്രപതി രാംനാഥ് കോവിന്ദാണ് കായിക പുരസ്ക്കാരം നൽകിയത്. ഇതിഹാസ ഹോക്കി താരം ധ്യാന്‍ചന്ദിന്റെ സ്മരണാർത്ഥമാണ് ദേശീയ കായിക ദിനം ആചരിക്കുന്നത്.
മുൻ ഹോക്കി ക്യാപ്റ്റൻ സർദാർ സിംഗിനും പാരലിംപിയൻ ജാവലിൻ താരം ദേവേന്ദ്ര ജാഗാരിയയ്‌ക്കും രാജീവ് ഗാന്ധി ഖേൽ രത്ന പുരസ്ക്കാരം സമ്മാനിച്ചു.
ഹർമൻപ്രീത് കൗർ, മാരിയപ്പൻ തങ്കവേലു, വരുൺ ഭാട്ടിയ, എസ്എസ്പി ചൗരാസിയ, സാകേത് മൈനേനി, ഖുശ്ബീർ കൗർ, അരോകിൻ രാജീവ്, പ്രശാന്തി സിംഗ്, എസ്.വി.സുനിൽ, സത്യവർത്ത് കാദിയൻ, ആന്റണി അമൽരാജ്, പി.എൻ. പ്രകാശ്, വികെ സുരേഖ തുടങ്ങി 17 പേർക്ക് അർജുന അവാർഡുകൾ സമ്മാനിച്ചു.
