ഇൻഡോർ: ഇന്ത്യ – ഓസ്ട്രേലിയ മൂന്നാം ഏകദിനം ഇന്ന് ഇൻഡോറിൽ നടക്കും. ഇന്ന് ജയിച്ചാൽ ഇന്ത്യക്ക് പരമ്പര സ്വന്തമാക്കാം. അതേസമയം പരമ്പരയിലെ ആദ്യജയം തേടിയാകും ഓസീസ് ഇന്നിറങ്ങുക.
ജയം മാത്രം ലക്ഷ്യം വച്ചാകും കങ്കാരു പട ഇന്ന് ടീം ഇന്ത്യയെ നേരിടുക. ആദ്യ രണ്ട് മത്സരങ്ങളിലെ വിജയത്തിന്റെ ആത്മവിശ്വാസത്തിലാകും കോഹ്ലിയും സംഘവും ഇറങ്ങുക. ബൗളിംഗ് മികവിലായിരുന്നു കഴിഞ്ഞ രണ്ട് മത്സരങ്ങളിലെയും ഇന്ത്യൻ വിജയം. എന്നാൽ ബാറ്റിംഗിനെ പിന്തുണയ്ക്കുന്ന പിച്ചിൽ വെടിക്കെട്ട് പ്രകടനമാകും ഇന്ത്യൻ ആരാധകരുടെ പ്രതീക്ഷ.
അതേസമയം ഈ വർഷം ഏകദിനത്തിൽ ഒരുമത്സരം പോലും വിജയിക്കാനാകാത്ത ഓസീസിന് പരമ്പര സ്വന്തമാക്കാൻ ഇന്ന് ജയം അനിവാര്യമാണ്. ഇന്ത്യൻ സ്പിന്നർമാർക്ക് ഓസീസ് ബാറ്റ്സ്മാൻമാർക്ക് പിടിച്ചുനിൽക്കാനാകാത്തതാണ് സ്റ്റീവൻ സ്മിത്തിന് തലവേദന.
ഇന്ത്യൻ നിരയിൽ ഇന്ന് മനീഷ് പാണ്ഡെക്കു പകരം കെ എൽ രാഹുൽ കളിച്ചേക്കും. പരുക്ക് മൂലം മാറി നിന്ന ആരോൺ ഫിഞ്ച് , ബൗളർ ആദം സാമ്പ എന്നിവർ ഓസീസിന്റെ അന്തിമ ഇലവനിൽ ഉൾപ്പെടാൻ സാദ്ധ്യതയുണ്ട്. ഉച്ചയ്ക്ക് 1.30 നാണ് മത്സരം.