ന്യൂയോർക്ക് : മാധ്യമഭീമൻ റുപര്ട്ട് മര്ഡോക്കിന്റെ വിനോദ മാധ്യമ സാമ്രാജ്യം ‘ട്വന്റി ഫസ്റ്റ് സെഞ്ചുറി ഫോക്സിനെ’ വാള്ട്ട് ഡിസ്നി കമ്പനി’ ഏറ്റെടുക്കുന്നു.
5,240 കോടി ഡോളറിനാണ് (3.38 ലക്ഷം കോടി രൂപ) ഏറ്റെടുക്കല്. സ്കൈ ചാനലില് 39 ശതമാനം ഓഹരി പങ്കാളിത്തവും ഡിസ്നിക്ക് ലഭിക്കും.
ഫോക്സിന്റെ ചലച്ചിത്ര-ടി.വി. സ്റ്റുഡിയോകള്, കേബിള് വിനോദ ശൃംഖലകള്, അന്താരാഷ്ട്ര ടി.വി. ബിസിനസുകള്, ജനപ്രിയ വിനോദ പരിപാടികള്, നാഷണല് ജ്യോഗ്രഫിക് തുടങ്ങിയവയും ഡിസ്നിക്ക് സ്വന്തമാകും. സ്റ്റാര് ചാനല് ശൃംഖല അടക്കം ഇനി ഡിസ്നിയുടെ സ്വന്തമാകും.
സ്റ്റാര് ഇന്ത്യയുടെ കീഴില് എട്ട് ഭാഷകളിലായുള്ള 69 ടിവി ചാനലുകളും ഡിസ്നിയുടെ കൈയിലെത്തും. ഹോട്ട്സ്റ്റാര് സ്ട്രീമിങ് മീഡിയയും ഡിസ്നിയുടേതാകും.
ഡിസ്നിയുടെ പരിപാടികള് ഇനി വൈകാതെ സ്റ്റാര് ചാനലിലൂടെയും ഹോട്ട്സ്റ്റാറിലൂടെയും ലഭ്യമാകും.ഒന്നരവര്ഷം കൊണ്ടാകും കൈമാറ്റം പൂര്ണമാകുക. ഇത് പൂര്ണമാകുന്നതോടെ ഡിസ്നിയില് 4.4 ശതമാനം ഓഹരി പങ്കാളിത്തമാകും മര്ഡോക്കിനുണ്ടാകുക.
