ശ്രീനഗർ : രാജ്യത്തിനു വേണ്ടി വീരമൃത്യൂ വരിക്കുന്ന സൈനികരെ കാണേണ്ടത് മതത്തിന്റെ കണ്ണുകൾ കൊണ്ടല്ലെന്ന് ഇന്ത്യൻ ആർമി.
സൈനികർക്ക് രാജ്യമേയുള്ളൂ മതമില്ല പിറന്ന നാടിനു വേണ്ടി ജീവൻ തൃജിച്ച സൈനികരെ മതത്തിന്റെ പേരിൽ വിഭജിക്കരുത്.
ലഫ്റ്റന്റ് ജനറൽ ദേവരാജ് അൻപു വാർത്താ സമ്മേളനത്തിലാണ് ഇക്കാര്യം പറഞ്ഞത്.ഇന്ത്യൻ സേനയിൽ ജാതീയമായ വേർതിരിവുകൾ ഇല്ലെന്നും അദ്ദേഹം പറഞ്ഞു.
സുജ്വാൻ ഭീകാരാക്രമണത്തിൽ കൊല്ലപ്പെട്ട അഞ്ചു സൈനികരും മുസ്ലീം സമുദായത്തിൽപ്പെട്ടവരാണെന്നും മുസൽമാന് രാജ്യസ്നേഹം ഇല്ലെന്ന് പറഞ്ഞവർ അത് മനസ്സിലാക്കണമെന്നുമുള്ള ഓള് ഇന്ത്യ മജ്ലിസെ ഇത്തിഹാദുല് മുസ്ലിമീൻ (എഐഎംഐഎം) അധ്യക്ഷന് അസദുദ്ദീന് ഒവൈസിയുടെ പ്രസ്താവനയോട് പ്രതികരിക്കുകയായിരുന്നു അദ്ദേഹം.