ബോളിവുഡിൽ സ്വജനപക്ഷപാതമാണെന്ന് തുറന്നടിച്ച് വിവാദങ്ങൾ സൃഷ്ടിച്ച പ്രശസ്ത നടി കങ്കണ റണവതിന്റെ പ്രതിശ്രുത വരനാകാൻ താത്പര്യമുണ്ടോ ? എങ്കിൽ അതിനു ചില നിബന്ധനകളൊക്കെയുണ്ടെന്നാണ് കങ്കണ വ്യക്തമാക്കുന്നത് . തന്റെ ആൺ സുഹൃത്ത് രാഷ്ട്രസ്നേഹിയാകണമെന്നതാണ് അതിൽ പ്രധാനം.
ഈയിടെ ഒരു ചാറ്റ് ഷോയിലാണ് താരം തന്റെ ഭാവി വരനെക്കുറിച്ചുള്ള സങ്കൽപ്പങ്ങൾ വിശദമാക്കിയത് . ഞാൻ എന്റെ രാജ്യത്തെ സ്നേഹിക്കുന്നു. എന്റെ ഭാവി വരനും അത്തരം ഒരാളാകണമെന്നാണ് എന്റെ ആഗ്രഹം . മാതൃഭൂമിയോട് പ്രതിബദ്ധത ഇല്ലാത്തയാൾക്ക് എന്നോടും പ്രതിബദ്ധത ഉണ്ടാകാൻ സാദ്ധ്യതയില്ല കങ്കണ വ്യക്തമാക്കുന്നു.
ഝാൻസിയിലെ റാണി ലക്ഷ്മീഭായുടെ കഥ പറയുന്ന മണികർണികയുടെ ഷൂട്ടിംഗ് പുരോഗമിക്കുന്നതിനിടെയാണ് നടിയുടെ തുറന്നു പറച്ചിൽ . ഝാൻസി റാണിയായി അഭിനയിക്കുന്നത് കങ്കണയാണ് . എന്തായാലും വരൻ ദേശസ്നേഹിയല്ലെങ്കിൽ ബന്ധം വേർപെടുത്താനും മടിയില്ലെന്നാണ് കങ്കണയുടെ ഉറച്ച തീരുമാനം.
