Vehicle

ആക്ടീവ 5ജി ഇന്ത്യന്‍ വിപണിയിലെത്തി

ഹോണ്ട മോട്ടോര്‍സൈക്കിള്‍സ് ആന്റ് സ്‌കൂട്ടേഴ്‌സ് ഇന്ത്യ ഏറ്റവും പുതിയ പതിപ്പായ ആക്ടീവ 5ജി വിപണിയില്‍ എത്തിച്ചു. 2018 ഓട്ടോ എക്‌സ്‌പോയില്‍ ഗിയര്‍ലെസ് സ്‌കൂട്ടറായ ആക്ടീവ 5ജിയെ ഹോണ്ട അവതരിപ്പിച്ചിരുന്നു. ആക്ടീവ 4ജി മോഡലിന്റെ പരിഷ്‌കരിച്ച പതിപ്പാണ് 5ജി. 52,460 രൂപയാണ് 5ജി സ്റ്റാന്റേര്‍ഡിന്റെ ഡല്‍ഹി എക്‌സ്‌ഷോറൂം വില. വാഹനത്തിന്റെ ബുക്കിങ് ഷോറൂമുകളില്‍ ഉടന്‍ ആരംഭിക്കും.

പുറംമോടിയില്‍ വന്ന മാറ്റങ്ങളാണ് 5ജിയെ 4ജിയില്‍ നിന്ന് വ്യത്യസ്തമാക്കുന്നത്. മെക്കാനിക്കല്‍ ഫീച്ചേഴ്‌സ് പഴയപടി തുടരും. പൊസിഷന്‍ ലാമ്പോടുകൂടിയ ആള്‍ എല്‍ഇഡി ഹെഡ്‌ലാംമ്പ്, ഡിജിറ്റല്‍ മീറ്റര്‍ കണ്‍സോള്‍ എന്നിവ പുതിയ ആക്ടീവയുടെ പ്രത്യേകതകളാണ്. ആറ് നിറങ്ങളില്‍ വാഹനം ലഭ്യമാണ്. ഇതില്‍ ഡാസില്‍ യെല്ലോ മെറ്റാലിക്, പേള്‍ സ്പാര്‍ട്ടണ്‍ റെഡ് എന്നീ രണ്ട് നിറങ്ങള്‍ 4ജിയില്‍ ലഭ്യമായിരുന്നില്ല.

ഫോര്‍ ഇന്‍ വണ്‍ കീ സംവിധാനം വഴി താക്കോല്‍ ഊരാതെ തന്നെ സീറ്റ് തുറക്കാന്‍ സാധിക്കും. 7500 ആര്‍.പി.എമ്മില്‍ 8 ബി.എച്ച്.പി കരുത്തും 5500 ആര്‍.പി.എമ്മില്‍ 8.83 എന്‍.എം ടോര്‍ക്കുമേകുന്ന 109 സിസി സിംഗിള്‍ സിലിണ്ടര്‍ എയര്‍കൂള്‍ഡ് എന്‍ജിനാണ് 5ഏജിക്കും കരുത്ത് നല്‍കുന്നത്. മണിക്കൂറില്‍ 82 കിലോമീറ്ററാണ് പരമാവധി വേഗത. 5.3 ലിറ്ററാണ് ഫ്യുവല്‍ ടാങ്ക് കപ്പാസിറ്റി.

ഫോര്‍ ജി, ആക്ടീവ ഐ, ആക്ടീവ 125 എന്നീ മൂന്നു മോഡലുകളാണ് നിലവില്‍ ആക്ടീവ നിരയില്‍ വിപണിയിലുള്ളത്.

841 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close