ഭീകരർക്കെതിരായ പോരാട്ടത്തിൽ അപകടം കൂടെയുണ്ടെന്നറിഞ്ഞിട്ടും ഒരിഞ്ചു പോലും പിന്നോക്കം പോകാതെ പോരാടിയ നാലു സി ആർ പി എഫ് ജവാന്മാർക്ക് സ്ഥാനക്കയറ്റംനൽകി കേന്ദ്ര ആഭ്യന്തര മന്ത്രാലയം.
സി ആർ പി എഫിന്റെ പ്രത്യേക ശുപാർശ പ്രകാരമാണ് ജവാന്മാർക്ക് സ്ഥാനക്കയറ്റം നൽകിയിരിക്കുന്നത്.
ഹെഡ് കോൺസറ്റിബിളായിരുന്ന എ എസ് കൃഷ്ണക്ക് അസിസ്റ്റന്റ് സബ് ഇൻസ്പെക്ടറായാണ് സ്ഥാനക്കയറ്റം നൽകിയിരിക്കുന്നത്.
കോൺസ്റ്റബിളുമാരായ കെ ദിനേഷ് രാജ,പ്രഫുല്ല കുമാർ,ഗെയ്ത്ത് രഘുനാഥ് ഉൽഹാസ് എന്നിവർക്ക് ഹെഡ് കോൺസ്റ്റബിളുമാരായും സ്ഥാനക്കയറ്റം നൽകി.
ഇവർ ഉൾപ്പെട്ട ഏറ്റുമുട്ടലിൽ ആറോളം ഭീകരർ കൊല്ലപ്പെടുകയും നിരവധി ആയുധങ്ങൾ കണ്ടെടുക്കുകയും ചെയ്തിരുന്നു.
കഴിഞ്ഞ വർഷം ജൂണിൽ ബന്ദിപ്പുരയിൽ നടന്ന ഭീകരാക്രമണം തടയാൻ സഹായിച്ചത് ഈ ഉദ്യോഗസ്ഥരുടെ കർശന നിരീക്ഷണമായിരുന്നുവെന്ന് സി ആർ പി എഫ് വൃത്തങ്ങൾ പറഞ്ഞു.
സ്വന്തം ജീവൻ അവഗണിച്ച് രാജ്യത്തിനായി നിലകൊള്ളുന്ന ഈ സൈനികരുടെ ത്യാഗത്തിനു മുന്നിൽ രാജ്യം അഭിമാനം കൊള്ളുന്നുവെന്നും ആഭ്യന്തരമന്ത്രാലയം പ്രസ്താവിച്ചു.
