ന്യൂഡൽഹി :ജീപ്പ് കോംപസിന്റെ ട്രെയ്ൽ ഹോക്ക് പതിപ്പിനായി കാത്തിരിക്കുന്ന വാഹനപ്രേമികളെ നിരാശപ്പെടുത്തുന്ന വാർത്തയാണ് നിർമാതാക്കളിൽ നിന്നും ലഭിക്കുന്നത്.കോംപസിന്റെ ഓഫ് റോഡ് പതിപ്പായ ട്രെയ്ൽ ഹോക്കിന്റെ വിൽപ്പന തുടങ്ങുന്നത് 2018 അവസാനത്തിലേക്ക് നീട്ടി. വാഹനത്തിന്റെ എൻജിൻ പതിപ്പ് ബി എസ് – VI ലേക്ക് മാറ്റുന്നതിന്റെ പണിപ്പുരയിലാണ് നിർമാതാക്കൾ ഒപ്പം ഇന്ത്യൻ നിരത്തുകൾക്കായി വാഹനത്തിനു മാറ്റംവരുത്തുന്നതും വിൽപ്പന തീയതി നീട്ടാൻ കാരണമാകുന്നുണ്ട്.
ജീപ്പ് കോംപസിന്റെ ആദ്യപതിപ്പുകൾ ഇന്ത്യയിൽ വലിയ ജന ശ്രദ്ധ പിടിച്ചുപറ്റിയിരുന്നു. ഭംഗിയിലും കരുത്തിലും നിലവിലുള്ള എസ് യു വി വിഭാഗങ്ങളെ വെല്ലുന്ന രീതിയിലാണ് ട്രെയ്ൽ ഹോക്കിന്റെ അരങ്ങേറ്റം. ജീപ്പ് കോംപസ് പതിപ്പുകളിൽ ഏറ്റവും വിലകൂടിയ പതിപ്പായിരിക്കും വരാനിരിക്കുന്ന ട്രെയ്ൽ ഹോക്ക്.
കരുത്തുറ്റ ഫോർ വീൽ ഡ്രൈവ് എൻജിനാണ് വാഹനത്തിന്റെ പ്രധാന സവിശേഷതകളിൽ ഒന്ന് . വാഹനത്തിന്റെ ഈ പ്രത്യേകത തീർത്തും ഓഫ്റോഡ് ഡ്രൈവിങ്ങിനുവേണ്ടി തയ്യാറാക്കിയതാണ്.ഒപ്പം 2 ലിറ്റർ 4 സിലിണ്ടർ ഡീസൽ എൻജിനാണ് ട്രെയ്ൽ ഹോക്കിന്റെ കരുത്ത്. 173 ബി എച്ച് പി 350 എൻ എം ടോർക്കും നൽകുന്ന എൻജിനിൽ 9 സ്പീഡ് ഓട്ടോമാറ്റിക് ഗിയർ ബോക്സാണ് ഇടം നേടിയിരിക്കുന്നത് .ഇന്ത്യയിൽ 32 ലക്ഷം രൂപയാണ് വാഹനത്തിന്റെ ഏകദേശ വില.