ന്യൂ ഡൽഹി: ടി വി എസിന്റെ ഏറ്റവും പുതിയ മോഡലായ അപ്പാച്ചെ ആർ ടി ആർ 160 4V ഇന്ത്യയിൽ അവതരിപ്പിച്ചു. അപ്പാച്ചെ ആർ ടി ആർ 200 4V മോഡലിനോട് സാമ്യം തോന്നുന്ന ഡിസൈനാണ് ടി വി എസ് 160 4Vക്കും കംബനി നൽകിയിരിക്കുന്നത്. ആർ ടി ആർ 160 4V ,ആർ ടി ആർ 160 എഫ് ഐ (ഫ്യുവൽ ഇൻജക്ടറ്റഡ് ) 4V എന്നിങ്ങനെ രണ്ട് വ്യത്യസ്ത മോഡലുകളിൽ വാഹനം ലഭ്യമാണ്.
159.7 സി സി സിംഗിൾ സിലിണ്ടർ എൻജിനാണ് വാഹനത്തിന്റെ കരുത്ത്. 16.8 ബി എച്ച് പി 14.8 ന്യൂട്ടൻ മീറ്റർ ഫ്യുവൽ ഇൻജക്ടറ്റഡ്നും 16.5ബി എച്ച് പി 14.8 ന്യൂട്ടൺ മീറ്റർ ബേസ് വേർഷനും ടോർക്ക് നൽകുന്ന എൻജിനിൽ 5 സ്പീഡ് ഓട്ടോമാറ്റിക് ഗിയർ ബോക്സാണ് ഇടം നേടിയിരിക്കുന്നത്.
ഫ്രണ്ടിലും ബാക്കിലും ഡിസ്ക് ബ്രേക്ക് കൂടാതെ ഡിജിറ്റൽ സ്പീഡ് മീറ്ററും വാഹനത്തിന്റെ എടുത്തുപറയാവുന്ന സവിശേഷതകളിൽ ഒന്നാണ്റേസിംഗ് റെഡ്,മെറ്റാലിക് ബ്ലൂ,നൈറ്റ് ബ്ലാക്ക് എന്നീ നിറങ്ങളിൽ വാഹനം ലഭ്യമാണ്. വാഹനത്തിന്റെ പതിപ്പുകളുടെ അടിസ്ഥാനത്തിൽ 81,490 രൂപ മുതൽ 89,990 രൂപ വരെയാണ് ഡൽഹി എക്സ്.ഷോറൂം വില.