Vehicle

ഹീറോ ഡെസ്റ്റിനി 125 ഒക്ടോബര്‍ 22ന് വിപണിയില്‍

2018 ഓട്ടോ എക്‌സ്‌പോ യില്‍ ഹീറോ മോട്ടോര്‍ കോര്‍പ്പ് അവതരിപ്പിച്ച പുതിയ രണ്ടു പതിപ്പുകളാണ് മെജസ്റ്റ്‌ട്രോ 125, ഡ്യുയറ്റ് 125 എന്നിവ. ഇതില്‍ ഡ്യുയറ്റിന്റെ പേര് ഡെസ്റ്റിനി 125 എന്ന പേരില്‍ പുറത്തിറക്കുകയാണ് കമ്പനി.

ഈ മാസം 22-ന് വിപണിയില്‍ എത്തിക്കാന്‍ ആണ് കമ്പനിയുടെ നീക്കം. ഡെസ്റ്റിനി ഹീറോയുടെ പ്രീമിയം ഫാമിലി സ്‌കൂട്ടര്‍ വിഭാഗത്തിലായിരിക്കും അവതരിപ്പിക്കുക. ഡിജിറ്റല്‍ ഡിസ്പ്ലേ, ട്യൂബ് ലെസ് ടയര്‍, മൊബൈല്‍ ചാര്‍ജിങ് പോര്‍ട്ട്, സര്‍വ്വീസ് റിമൈന്‍ഡര്‍, ബൂട്ട് ലൈറ്റ്, എക്സ്റ്റേണല്‍ ഫ്യുവല്‍ ക്യാപ് തുടങ്ങിയവ ആണ് ഈ ശ്രേണിയുടെ പ്രധാന പ്രത്യേകത.

125 സിസി സിംഗിള്‍ സിലണ്ടര്‍ എയര്‍-കൂള്‍ഡ് എന്‍ജിന്‍, 8.7 ബിഎച്ച്പി പവറും 10.2 എന്‍എം ടോര്‍ക്കും ഉല്‍പാദിപ്പിക്കുന്നു. മൈലേജ് ഉറപ്പാക്കാന്‍ ഹീറോയുടെ ഐ3 എസ് സാങ്കേതികവിദ്യയും ഉള്‍പെടുത്തിയിട്ടുണ്ട്. 1830 എംഎം നീളവും 726 എംഎം വീതിയും 1155 എംഎം ഉയരവും 1245 എംഎം വീല്‍ബേസുമുള്ള ഡെസ്റ്റിനിക്ക് 155 എംഎം ആണ് ഗ്രൗണ്ട് ക്ലിയറന്‍സ്.

111 Shares
Back to top button
Close