ഒരിടവേളയ്ക്കു ശേഷം ഇന്ത്യയില് തിരിച്ചെത്തിയ സാന്ട്രോ വില്പന റെക്കോര്ഡുകള് തിരുത്തി മുന്നേറുന്നു.
രണ്ടാം വരവില് മികച്ച സ്വീകാര്യതയാണ് സാന്ട്രോയ്ക്ക് ലഭിക്കുന്നത്.
കഴിഞ്ഞമാസം 28,800 ബുക്കിംഗുകളാണ് ലഭിച്ചത്. ഹാച്ച് ബാക്ക് ശ്രേണിയില് ഇതാദ്യമായി ആണ് ഒരു മോഡലിന് ഇത്രയേറെ ബുക്കിംഗ് നേടുന്നത്.
നിലവിലെ തരംഗം കണക്കിലെടുത്താല് മാരുതി സെലറിയോ, മാരുതി വാഗണ്ആര് മോഡലുകളെ പോലും അധികം വൈകാതെ ഹ്യുണ്ടായി സാന്ട്രോ കടത്തിവെട്ടും. ചെറുകാര് ശ്രേണിയില് മാരുതിയുടെ ആധിപത്യമാണ് ഇതോടെ നഷ്ടമാകുന്നത്.
3.89 ലക്ഷം മുതല് 5.64 ലക്ഷം രൂപ വരെയാണ് വിപണി വില. ബുക്കിംഗ് 50,000 കടക്കുമ്പോള് സാന്ട്രോയുടെ വില കൂട്ടാനും ഹ്യുണ്ടായി ആലോചിക്കുന്നുണ്ട്.
