വിപണിയില്‍ താരം മാരുതിയുടെ ബലെനോ

ഇന്ത്യയില്‍ 20 ലക്ഷം സ്വിഫ്റ്റ് കാറുകള്‍ പുറത്തിറക്കി റെക്കോര്‍ഡ് സൃഷ്ടിച്ച മാരുതിയുടെ ഇപ്പോഴത്തെ താരം ബലെനോയാണ്.

38 മാസം കൊണ്ട് ബലെനോ അഞ്ചു ലക്ഷം യൂണിറ്റ് വില്‍പന നടത്തിയാണ് മുന്നേറ്റം തുടരുന്നത്. മാരുതിയുടെ പ്രിമിയം മുഖങ്ങളിലൊന്നാണ് ബലെനോ.

ഹാച്ച്ബാക്ക് ശ്രേണിയില്‍ മറ്റൊരു മോഡലുകളും ബലെനോയുടെ അടുത്തെത്തുന്നില്ലെന്നത് ശ്രദ്ധേയമായ കാര്യമാണ്.

മാരുതിയുടെ വിതരണ ശൃംഖലയായ നെക്‌സയിലൂടെ മാത്രമാണ് ബെലെനോ വില്‍പ്പനക്കെത്തിയത്.

5.35 ലക്ഷം മുതലാണ് ബലെനോയുടെ വിപണി വില ആരംഭിക്കുന്നത്. 4.99 ലക്ഷം രൂപവിലയില്‍ ലഭിക്കുന്ന സ്വിഫ്റ്റിനെക്കാളും സുരക്ഷയും സൗകര്യങ്ങളും അകത്തള വിശാലതയും മാറ്റുരക്കുന്ന മോഡലാണ് ബെലെനോ.

ആന്റി – ലോക്ക് ബ്രേക്കിംഗ് സംവിധാനവും ഇരട്ട എയര്‍ബാഗുകളും മോഡലിന്റെ അടിസ്ഥാന ഫീച്ചറാണ്.

3,995 mm നീളവും 1,745 mm വീതിയും ബലെനോയ്‌ക്കുണ്ട്. വീല്‍ബേസ് 2,520 mm.

ബലെനോ ഡീസലില്‍ 27.39 കിലോമീറ്ററാണ് മാരുതി വാഗ്ദാനം ചെയ്യുന്ന ഇന്ധനക്ഷമത. പെട്രോള്‍ പതിപ്പില്‍
21.4 കിലോമീറ്റര്‍ മൈലേജും കാഴ്‌ച്ചവെക്കും.

മൈലേജിന് മുന്‍ഗണന നല്‍കുന്നവര്‍ക്ക് 1.3 ലിറ്റര്‍ എഞ്ചിന്‍ ഡീസല്‍ പതിപ്പ് വാങ്ങാം. ഇതിനെല്ലാം പുറമെ പ്രകടനക്ഷമതയ്‌ക്ക് പ്രാധാന്യം കല്‍പ്പിച്ചുള്ള പ്രത്യേക RS പതിപ്പും ബലെനോ ശ്രേണിയിലുണ്ട്.

ബലെനോ RS -ലുള്ള 1.0 ലിറ്റര്‍ ടര്‍ബ്ബോ പെട്രോള്‍ എഞ്ചിന് 101 bhp കരുത്തും 150 ടോര്‍ക്കും പരമാവധി സൃഷ്ടിക്കാനാവും.