ജാപ്പനീസ് വാഹന നിര്മ്മാതാക്കളായ ടൊയോട്ട കാംറിയുടെ എട്ടാം പതിപ്പ് 2019 ജനുവരി 18 ന് ഇന്ത്യന് വിപണിയില് എത്തും. എട്ടാം വരവിലും ആഡംബരത്തികവിന് കോട്ടം തട്ടാതെ വിപണിയിലെത്തുന്ന പുതിയ കാംറി ഇത്തവണയും വിപണി കീഴടക്കുമെന്ന് ടൊയോട്ട അവകാശപ്പെടുന്നു.
മുന് പതിപ്പിനേക്കാള് പുതിയ മോഡലിന് 35 എംഎം നീളവും 15 എംഎം വീതിയും 25 എംഎം ഉയരവും കൂടുതലുണ്ട്.
കാംറിയുടെ എട്ടാം പതിപ്പില് സുരക്ഷയ്ക്കാണ് ടൊയോട്ട പ്രാധാന്യം നല്കുന്നത്. പത്ത് എയര്ബാഗ്, സ്റ്റെബിലിറ്റി കണ്ട്രോള്, ട്രാക്ഷന് കണ്ട്രോള്, എബിഎസ്, ഇബിഡി, സ്മാര്ട്ട് സ്റ്റോപ്പ് ടെക്ക്നോളജി എന്നിവ സുരക്ഷാകവചമൊരുക്കുന്നു.
രൂപത്തിലും ഭാവത്തിലും പുതുമ നിലനിറുത്തി എത്തുന്ന പുതിയ കാംറി, എല്ഇഡിആര്എല് ഉള്ള പുതിയ പ്രൊജക്ഷന് ഹെഡ്ലാംമ്പ്, രണ്ട് ഭാഗങ്ങളിലും നല്കിയിരിക്കുന്ന ഗ്രില്ലുകള്, വലിയ എയര്ഡാം, ഉയര്ന്ന ബംബര് എന്നിവയാണ് പുതിയ കാംറിയെ ആകര്ഷകമാക്കുന്നന്നത്. ഫൈവ് സ്പോക്ക് അലോയി വീലുകള് കാംറിയുടെ ആഡംബരത്തിന് തികവേകുന്നു.
വുഡന് പാനലിങ് നല്കിയിട്ടുള്ള ഡാഷ്ബോര്ഡ്, വലിയ ഇന്ഫോടെയ്ന്മെന്റ് സിസ്റ്റം, മള്ട്ടി ഫങ്ങ് ഷന് സ്റ്റിയറിങ് വീല് എന്നിവ ഇന്റീരിയറിനെ കൂടുതല് മനോഹരമാക്കുന്നു.
ആറ് സ്പീഡ് ഓട്ടോമാറ്റിക് ഗിയര്ബോക്സില് 2.0 ലിറ്റര് പെട്രോള് എന്ജിനിലും എട്ട് സ്പീഡ് ഗിയര്ബോക്സില് 2.5 ലിറ്റര് പെട്രോള് എന്ജിനിലുമാണ്
പുതിയ കാംറി വിപണിയിലെത്തുന്നത്. 31.99 ലക്ഷം മുതല് 39.82 ലക്ഷം രൂപ വരെയാണ് വിപണി വില പ്രതീക്ഷിക്കുന്നത്.
