പുതുതലമുറ വാഗണ് ആര്ന്റെ പ്രീബുക്കിംഗ് കമ്പനി ആരംഭിച്ചു. 11,000 രൂപയാണ് ബുക്കിംഗ് ചാര്ജ്. ഈ മാസം 23 നാണ് വേഷപ്പകര്ച്ചയോടെ പുത്തന് വാഗണ് ആര് വിപണി കീഴടക്കാന് എത്തുന്നത്. 4.5 ലക്ഷം മുതല് 6 ലക്ഷം രൂപ വരെയുള്ള റേഞ്ചിലാകും എക്സ് ഷോറൂം വിലയെന്നാണ് സൂചന.
വാഗണ് ആര് പുതിയ പതിപ്പിന്റെ ടീസര് കമ്പനി പുറത്ത് വിട്ടു. ‘ബിഗ് ന്യൂ വാഗണ് ആര്’ എന്ന ടാഗ് ലൈനോടെയാണ് വാഹനത്തിന്റെ അവതരണം. പുതിയ വാഗണ് ആറിന്റെ ടെയില് ലാമ്പ് വോള്വോ കാറുകളെ അനുസ്മരിപ്പിക്കുന്നു. ക്രോമിയം സ്ട്രിപ്പുള്ള വലിയ ഗ്രില്ല് പഴയ വാഗണ് ആറിന്റെ മുഖച്ഛായ തന്നെ മാറ്റിയിരിക്കുന്നതായി കാണാം.
പുതിയ മാതൃകയിലുള്ള ഹെഡ്ലൈറ്റും വീതിയുള്ള ഇന്ഡിക്കേറ്ററുകളും പുതിയ പതിപ്പിനെ വ്യത്യസ്തമാക്കുന്നു.
ടോള്ബോയ് ബോഡിയില് ബോക്സ് ടൈപ്പ് ഡിസൈനാണ് പുതിയ വാഗണ് ആറിന്. കരുത്തേറിയ 83 പിഎസ് പവര് നല്കുന്ന 1.2 ലിറ്റര് എഞ്ചിനിലും 68 പിഎസ് പവര് നല്കുന്ന 1.0 ലിറ്റര് എഞ്ചിനിലും വാഗണ് ആര് അവതരിക്കും.
മാനുവല് പതിപ്പിന് പുറമെ ഓട്ടോമാറ്റിക് പതിപ്പിലും പുതിയ വാഗണ് ആര് ലഭ്യമാകും.
ഇന്റീരിയലിലും നിരവധി പുതുമകള് അവകാശപ്പെടാനാകും. ഫ്ളോട്ടിംഗ് ഡാഷ്ബോര്ഡ്, മള്ട്ടി ഫങ്ങ്ഷന് സ്റ്റിയറിങ്ങ് വീല്, സ്മാര്ട്ട് പ്ലേ ഇന്ഫോടെയ്ന്മെന്ഡ് സിസ്റ്റം, താരതമ്യേന വലുപ്പം കുറഞ്ഞ ഗിയര് ലിവര് എന്നിവയാണ് പുതിയ അവതരണം.
പുതിയ വാഗണ് ആറിലെ സുരക്ഷാ സംവിധാനവും പ്രത്യേക പരാമര്ശമര്ഹിക്കുന്നു. ഡ്രൈവര് എയര്ബാഗ്, എബിഎസ്, ഇബിഡി, സ്പീഡ് അലേര്ട്ട് സിസ്റ്റം, റിയര് പാര്ക്കിംഗ് സെന്സര് എന്നിവ പുതു അവതരണത്തെ വ്യത്യസ്തമാകുന്നു.
ആറ് പുതിയ നിറങ്ങളില് പുതുതലമുറ വാഗണ് ആര് സ്വന്തമാക്കാം. പേള് പൂള്സൈഡ് ബ്ലൂ, പേപ്പര് നട്ട്മഗ് ബ്രൗണ്, മാഗ്ന ഗ്രേ, പേള് ഔട്ടം ഓറഞ്ച്, സില്ക്കി സില്വര്, സുപ്പീരിയര് വൈറ്റ് എന്നീ ആറ് പുതിയ നിറങ്ങളില് വാഗണ് ആര് ലഭ്യമാകും.
