ഇന്ത്യന് നിര്മ്മിത പുത്തന് ബിഎംഡബ്ള്യൂ വിപണിയില്. ബിഎംഡബ്ള്യൂവിന്റെ ചെന്നൈയിലെ നിര്മ്മാണശാലയില് നിന്നും പ്രാദേശികമായി നിര്മ്മിക്കുന്ന X4 പെട്രോള്, ഡീസല് എന്നീ പതിപ്പുകളില് ലഭ്യമാകും.
X4 ന്റെ വരവ് റേഞ്ച് റോവര് ഇവോക്, ഔഡി Q5 , ബെന്സ് GLC എന്നീ മോഡലുകള്ക്ക് ഭീഷണിയാകും. പുതുതലമുറയിലെ X3 മോഡലിന്റെ വികസിത രൂപമെന്ന് വേണമെങ്കില് പുതിയ പതിപ്പിനെ വിഷേഷിപ്പിക്കാം.
X4ല് കമ്പനി CLAR അടിത്തറയാണ് വാഗ്ദാനം ചെയ്യുന്നത്. CLAR എന്നാല് സ്റ്റീല്, അലുമിനിയം, കാര്ബണ് ഫൈബര് എന്നിവ ഉള്ക്കൊള്ളുന്ന ഒരു മോഡുലര് പ്ലാറ്റ്ഫോമാണ്. 7 ശ്രേണിയിലൂടെ ബിഎംഡബ്ള്യൂ കമ്പനി അവതരിപ്പച്ച CLAR അടിത്തറ പുതിയ ബിഎംഡബ്ള്യൂ കാറുകളുടെ മുഖമുദ്രയാണ്.
പഴയപതിപ്പിനെ അപേക്ഷിച്ച് 81 mm നീളവും 37 mm വീതിയും 2019 X4 -ന് കൂടുതലുണ്ട്. വീല്ബേസും 54 mm കൂടുതലാണ്. അതിനാല്തന്നെ അകത്തള വിശാലത കൂടുതല് ലഭിക്കുമെന്ന് കമ്പനി ഉറപ്പുനല്കുന്നു. പുതിയ മോഡലിന്റെ ബൂട്ട് കപ്പാസിറ്റിയും വര്ധിപ്പിച്ചിട്ടുണ്ട്.
വലിയ 19 ഇഞ്ച് അലോയ് വീലുകള്, ഇരട്ട എക്സ്ഹോസ്റ്റ് എന്നിവയെല്ലാം X4 ന്റെ പ്രത്യേകതകളില്പ്പെടും.
അഡാപ്റ്റീവ് സസ്പെന്ഷന്, വൈദ്യുത ടെയില്ഗേറ്റ്, പാനരോമിക് സണ്റൂഫ്, 10.25 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനം, 16 സ്പീക്കറുകളുടെ പിന്ബലത്തോടെയുള്ള ശബ്ദ സംവിധാനം, ഹെഡ്സ് അപ്പ് ഡിസ്പ്ലേ എന്നിങ്ങനെ ബിഎംഡബ്ല്യു X4 ന്റെ സവിശേഷതകള് അവസാനിക്കുന്നില്ല.
ഇക്കോ പ്രോ, കംഫോര്ട്ട്, സ്പോര്ട്, സ്പോര്ട് പ്ലസ് എന്നിങ്ങനെ നാലു ഡ്രൈവിംഗ് മോഡുകള് പുതിയ X4 -ല് ഉണ്ട്.
X4 ന്റെ പ്രാഥമിക മോഡലിന്റെ വിപണി വില 60.60 ലക്ഷം രൂപയാണ്.