Vehicle

വാഹനലോകത്തെ അമ്പരപ്പിച്ച് XUV 300; ബുക്കിംഗ് 4000 കടന്നു; 14ന് വിപണിയിലെത്തും

വാഹന ലോകത്തെ അമ്പരപ്പിച്ചുകൊണ്ട് മഹീന്ദ്രയുടെ പുതിയ മോഡൽ XUV 300. ജനുവരി 9 മുതൽ ബുക്കിംഗ് ആരംഭിച്ച വാഹനത്തിന് ഇതിനോടകം തന്നെ 4000ൽ അധികം ബുക്കിംഗ് ലഭിച്ചു കഴിഞ്ഞു. 60000ൽ അധികമാളുകൾ വാഹനത്തെക്കുറിച്ച് അന്വേഷണം നടത്തിയെന്നും മഹീന്ദ്ര വ്യക്തമാക്കി. വാലന്റൈൻസ് ദിനമായ ഫെബ്രുവരി 14ന് പുത്യ മോഡൽ വിപണിയിലെത്തും.

സാങ്‌യോങ് പ്ലാറ്റ്‌ഫോമില്‍ വരുന്ന മഹീന്ദ്രയുടെ രണ്ടാമത്തെ വാഹനമാണ് XUV300. കോംപാക്ട് എക്സ് യുവി വിഭാഗത്തിൽ മത്സരം കടുത്തതായതിനാൽ വിട്ടുവീഴ്ചകളില്ലാതെയാണ് മഹീന്ദ്ര പുതിയ മോഡൽ നിർമ്മിച്ചിരിക്കുന്നത്. 1.2 ലിറ്റര്‍ പെട്രോള്‍ ടര്‍ബോ എഞ്ചിന്‍, 1.5 ലിറ്റര്‍ ഡീസല്‍ എഞ്ചിന്‍ എന്നിങ്ങനെ രണ്ട് എഞ്ചിൻ വകഭേദങ്ങളിലാകും പുതിയ XUV എത്തുക. രണ്ട് എഞ്ചിന്‍ വകഭേദങ്ങളിലും ആറ് സ്പീഡാണ് ഗിയര്‍ബോക്‌സ്.

Loading...

ഏഴിഞ്ച് ടച്ച് സ്‌ക്രീന്‍ ഇന്‍ഫോടെയിന്‍മെന്റ് സംവിധാനം, ബ്ലൂ സെന്‍സ് കണക്ടിവിറ്റി, ഏഴ് എയര്‍ബാഗുകള്‍, നാല് വീല്‍ ഡിസ്‌ക് ബ്രേക്ക്, സണ്‍റൂഫ്, ഇരട്ട സോണ്‍ ക്ലൈമറ്റ് കണ്‍ട്രോള്‍ എന്നിവയാണ് പ്രധാന സവിശേഷതകള്‍. ഏഴ് എയർബാഗുകൾ ഈ വിഭാഗത്തിൽ ഇതാദ്യമാണ്.

എട്ട് മുതൽ പത്ത് ലക്ഷം വരെയാകും എക്സ് ഷേറൂം വില എന്നാണ് സൂചന.  മാരുതിയുടെ വിറ്റാര ബ്രെസയാകും XUV 300 ന്റെ പ്രധാന എതിരാളി.

4K Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close