ഇസ്ലാമാബാദ് : വ്യോമസേന പൈലറ്റ് അഭിനന്ദൻ വർദ്ധനെ കസ്റ്റഡിയിലെടുത്തതിന് തുടർന്ന് ഇന്ത്യ ശക്തമായ തിരിച്ചടിക്കുമെന്ന് ഭയന്ന് പാകിസ്ഥാൻ കറാച്ചിയിൽ അടിയന്തിരാവസ്ഥ പ്രഖ്യാപിച്ചു.സർക്കാർ വൃത്തങ്ങൾ അതീവജാഗ്രതയിലാണ്.
ഇതിന്റെ ഭാഗമായി ആഭ്യന്തര- വിദേശ വിമാന സർവ്വീസുകൾ പാകിസ്ഥാൻ പൂർണ്ണമായി റദ്ദാക്കി. ഇനിയൊരു അറിയിപ്പ് ഉണ്ടാകുന്നതുവരെ വ്യോമഗതാഗതം തടയുന്നതായും പാകിസ്ഥാന്റെ സിവിൽ വ്യോമയാന വകുപ്പ് ഉത്തരവിറക്കി.
മാത്രമല്ല ആശുപത്രികളിൽ അടിയന്തിരഘട്ട ചികിത്സകൾക്കായി മുന്നൊരുക്കങ്ങൾ ഏർപ്പെടുത്തി. ഇവ കൂടാതെ 6 മെഡിക്കൽ ദുരിതാശ്വാസ ക്യാമ്പുകളും ആരംഭിച്ചിട്ടുണ്ട്.
