Vehicle

വാഹനനിരത്തുകള്‍ കീഴടക്കാനായി ടാറ്റയുടെ കോംപാക്ട് ട്രക്ക് ഇന്‍ട്ര എത്തുന്നു

ടാറ്റ എയ്‌സ് ശ്രേണിയിലെ ഏറ്റവും വലിയ വാഹനമായ ‘ ഇന്‍ട്രാ ‘ വിപണിയിലേക്ക്. മെയ് 22 ന് വാഹനവിപണി കീഴടക്കാനായി ഇന്‍ട്രാ എത്തുമെന്നാണ് ലഭ്യമാകുന്ന വിവരം. 1.1 ടണ്‍ ഭാരവാഹക ശേഷിയുള്ള ആധുനിക കോംപാക്ട് ട്രക്കാണ് ഇന്‍ട്രാ.

ആധുനിക സൗകര്യങ്ങളും രൂപഭംഗിയും കരുത്തും ഒരുപോലെ സമ്മേളിക്കുന്ന പ്രീമിയം ടഫ് എന്ന ആശയത്തിലൂന്നിയാണ് വാഹനത്തിന്റെ രൂപകല്‍പന. ടാറ്റയുടെ പാസഞ്ചര്‍ വാഹനങ്ങളില്‍ നല്‍കിയിട്ടുള്ളതു പോലെയുള്ള ക്രോമിയം സ്ലാറ്റുകളും ഹെഡ്‌ലൈറ്റും ഗ്രില്ലും ഇന്‍ട്രായുടെ രൂപഭംഗി വര്‍ധിപ്പിക്കുന്നു.

70 എച്ച് പി കരുത്തുള്ള 1396 സിസി എഞ്ചിന്‍ 69 ബിഎച്ച്പി പവറും 140 ടോര്‍ക്കും ഉത്പാദിപ്പിക്കും.4316 എംഎ നീളവും 1639 എംഎ വീതിയും 1919 എംഎ ഉയരവുമുള്ള വാഹനത്തിന്റെ ലോഡ് കപ്പാസിറ്റി 1100 കിലോഗ്രാമാണ്.

ഗിയര്‍ ഷിഫ്റ്റ് അഡ്വൈസർ  സംവിധാനമാണ് ഇന്‍ട്രായുടെ മറ്റൊരു ആകര്‍ഷണം. ഗിയര്‍ ഷിഫ്റ്റ് അഡ്വൈസർ ഉള്ള ആദ്യ വാണിജ്യവാഹനമാണ് ഇന്‍ട്രാ. ശരിയായ ഗിയര്‍ തെരഞ്ഞെടുക്കാന്‍ സഹായിക്കുന്ന ഗിയര്‍ ഷിഫ്റ്റ് അഡ്വൈസർ വാഹനത്തിന്റെ മൈലേജ് ഉയര്‍ത്താന്‍ സഹായിക്കും.

റേഡിയോ, യുഎസ്ബി എന്നിവയുള്ള മ്യൂസിക് സിസ്റ്റം, എസി, കിടന്നു വിശ്രമിക്കാന്‍ സൗകര്യമുള്ള പരന്ന സീറ്റ്, വിശാലമായ ക്യാബിന്‍ എന്നിവയും ഇന്‍ട്രയെ മികവുറ്റതാക്കുന്നു. 14 ഇഞ്ച് റേഡിയല്‍ ടയറും, 8.2 x 5.3 അടി വിസ്തീര്‍ണ്ണവുമുള്ള വിശാലമായ ലോഡ് ഏരിയയുമുള്ള ഇന്‍ട്രയ്ക്ക് 2 വര്‍ഷം അഥവാ 70,000 കിലോമീറ്ററാണ് വാറന്റി. വാഹനത്തിന്റെ വില ഇതുവരെ പുറത്തുവിട്ടിട്ടില്ല.

146 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close