മാരുതി ബ്രെസയുടെ പോരായ്മയെല്ലാം അകറ്റി പെട്രോള് മോഡലുമായി വാഹനം നിരത്തിലിറങ്ങാന് ഒരുങ്ങുന്നു. 2020 ആദ്യവാരം തന്നെ മാരുതി ബ്രെസയുടെ പെട്രോള് മോഡലുകള് എത്തും. മാരുതി ബ്രെസയ്ക്ക് പെട്രോള് വാഹനങ്ങള് ഇല്ലായെന്ന പോരായ്മ പരിഹരിച്ചാണ് കംപ്ലീറ്റ് കോംപാക്ട് എസ്യുവി ആക്കാനൊരുങ്ങുന്നത്. 2016-ലാണ് ബ്രെസയുടെ ഡീസല് വാഹനം പുറത്തിങ്ങിയത്. മൂന്ന് വര്ഷമായി പെട്രോള് എന്ജിന് എത്തിക്കുമെന്ന് അറിയിച്ചിട്ടുണ്ടെങ്കിലും ബിഎസ്-6 നിലവാരത്തിലുള്ള എന്ജിനിലേക്ക് വാഹനങ്ങള് മാറുന്നതിന് മുന്നോടിയായി ബ്രസയുടെ പെട്രോള് മോഡല് എത്തിക്കുമെന്നാണ് പുതിയ റിപ്പപോര്ട്ടുകള്.
നിലവില് ഫിയറ്റ് വികസിപ്പിച്ച 1.3 ലിറ്റര് ഡീസല് എന്ജിനാണ് ബ്രെസയില് പ്രവര്ത്തിക്കുന്നത്. ഇതിന് പകരം മാരുതി നിര്മിച്ച 1.5 ലിറ്റര് ഡീസല് എന്ജിന് ബ്രസയില് നല്കുമെന്ന് മാരുതി മുമ്പ് തന്നെ അറിയിച്ചിട്ടുള്ളത്. ഇപ്പോള് ബിഎസ്-4 നിലവാരത്തില് എത്തിച്ചിരിക്കുന്ന ഈ വാഹനം ബിഎസ്-6 ലേക്ക് മാറ്റുമെന്നാണ് റിപ്പോര്ട്ടുകള്. 82 ബിഎച്ച്പി പവറും 113 എന്എം ടോര്ക്കുമായിരിക്കും 1.2 ലിറ്റര് കെ-സീരിയസ് പെട്രോള് എന്ജിന് ഉത്പാദിപ്പിക്കുന്നത്. 5 സ്പീഡ് മാനുവല്, ഓട്ടോമെറ്റിക് ഗിയര്ബോക്സ് രണ്ട് എന്ജിനുകളിലും നല്കും.
ബ്രെസയുടെ പ്രധാന എതിരാളികളായ മഹീന്ദ്ര എക്സ്യുവി 300, ടാറ്റ നെക്സോണ്, ഹ്യുണ്ടായി വെന്യു എന്നീ വാഹനങ്ങളെല്ലാം പെട്രോള് എന്ജിനിലും എത്തുന്നുണ്ട്. ഇത് കൂടി കണക്കിലെടുത്താണ് മാരുതിയുടെ ഈ തീരുമാനം എന്നും സൂചനയുണ്ട്.