രാജ്യത്തെ പ്രമുഖ ഇരുചക്രവാഹന നിര്മ്മാതാക്കളായ ഹീറോയുടെ മാസ്ട്രോ എഡ്ജ് മെയ് 13ന് നിരത്തിലിറക്കും. എക്സ്പള്സ് 200, എക്സ്പള്സ് 200ടി, എക്സ്ട്രീം 200എസ് എന്നീ ബൈക്കുകള്ക്ക് പിന്നാലെയാണ് പുതിയ മോഡലുമായി ഹീറോ എത്തുന്നത്. കഴിഞ്ഞ ഡല്ഹി ഓട്ടോ എക്സ്പോയിലായിരുന്നു മാസ്ട്രോ എഡ്ജ് ഹീറോ ആദ്യമായി പ്രദര്ശിപ്പിച്ചത്. അടുത്തിടെ ഹീറോ പുറത്തിറക്കിയ ഡെസ്റ്റിനി 125 മോഡലിലെ അതേ 125 സിസി എന്ജിനാണ് മാസ്ട്രോയിലുള്ളത്.
8.7 ബിഎച്ച്പി പവറും 10.2 എന്എം ടോര്ക്കുമാണ് ഇതിലെ എന്ജിന്. അലോയി വീല്, എല്ഇഡി ഹെഡ്ലാമ്പ്, യുഎസ്ബി ചാര്ജിംഗ്, ഇന്ധനക്ഷമത കൂട്ടാന് സഹായിക്കുന്ന ഐ3എസ് സംവിധാനം എന്നിവ മാസ്ട്രോ എഡ്ജിലുണ്ട്. സര്വീസ് റിമൈന്ഡര്, സൈഡ് സ്റ്റാന്റ് ഇന്ഡികേറ്റര് എന്നീ മുന്നറിയിപ്പുകള് നല്കുന്ന ഡിജിറ്റല് അനലോഗ് ഇന്സ്ട്രുമെന്റ് കണ്സോളും പുതിയ മോഡലിലുണ്ടാകും. ഹോണ്ട ആക്ടീവ 125, ഹോണ്ട ഗ്രാസ്യ, സുസുക്കി ആക്ടീവ 125 എന്നിവയാണ് മാസ്ട്രോയുടെ മുഖ്യ എതിരാളികള്.
