ടിവിഎസ് റേഡിയോണ് പുതിയ മോഡല് രണ്ടു നിറത്തില് അവതരിപ്പിച്ചു. വേള്ക്കാനോ റെഡ്, ടൈറ്റാനിയം ഗ്രേ എന്നീ നിറങ്ങളിലാണ് പുതിയ ടിവിഎസ് എത്തിയിരിക്കുന്നത്.
9.5 ബിഎച്ച്പി പവര്, 9.4 എന്എം ടോര്ക്ക്, 109.7 സിസി സിംഗിള് സിലിണ്ടര് എന്ജിന് എന്നിവ റേഡിയോണിന് കരുത്തേകുന്നു. 4 സ്പീഡ് ഗിയര്ബോക്സ്, 69.8 കിലോമീറ്റര് മൈലേജ് എന്നിവയും റേഡിയോണില് ലഭിക്കും. ഹെഡ്ലാമ്പിലെ ക്രോം ബെസല്, ടാങ്കിലെ പ്ലാസ്റ്റിക് പാഡിങ്ങ്, ചാമ്പ്യന് ഗോള്ഡ് എന്ജിന് കവര്, ഓപ്ഷണലായി യുഎസ്ബി ചാര്ജിംഗ് സ്ലോട്ട് എന്നിവയാണ് റേഡിയോണിന്റെ സവിശേഷത.
പൂജ്യത്തില് നിന്ന് 60 കിലോമീറ്റര് വേഗത്തിലെത്താന് 8.34 സെക്കന്സുകള് മാത്രമാണ് റേഡിയോണിന് വേണ്ടത്. സിങ്ക് ബ്രേക്കിംഗ് സാങ്കേതികയോടെയുള്ള 18 ഇഞ്ച് അലോയ് വീലുകള് ബൈക്ക് തെന്നിമാറാനുള്ള സാധ്യത കുറയ്ക്കുകയും റൈഡറുടെ സുരക്ഷ ഉറപ്പ് വരുത്തുകയും ചെയ്യുന്നു.
110 സിസി കമ്മ്യൂട്ടര് ബൈക്ക് ശ്രേണിയില് ഹീറോ സ്പ്ലെന്ഡര്, ഹോണ്ട ലിവോ എന്നിവര്ക്കുള്ള വെല്ലുവിളിയാണ് ടിവിഎസ് റേഡിയോണ്. മുന്നില് ടെലിസ്കോപ്പിക്ക് ഫോര്ക്കുകളും പിന്നില് അഞ്ച് തരത്തില് ക്രമീകരിക്കാവുന്ന ഹൈഡ്രോളിക് ഷോക്ക് അബ്സോര്ബറുകളുമുണ്ട്.
വൈറ്റ്, ബ്ലാക്ക്, പര്പ്പിള് എന്നീ നിറങ്ങളിലാണ് നിലവില് റേഡിയോണ് ലഭിച്ചിരുന്നത്. റേഡിയോണിന് 50,070 രൂപ മുതലാണ് എക്സ്ഷോറൂം വില.