Vehicle

വിപണി കീഴടക്കാനായി ഹീറോയുടെ പ്ലെഷര്‍ പ്ലസ് എത്തുന്നു

ഹീറോയുടെ ജനപ്രിയ മോഡലായ പ്ലെഷറിന്റെ ഏറ്റവും പുതിയ പതിപ്പ് അവതരിപ്പിച്ചു. 110 സിസി എഞ്ചിനിലാണ് പുതിയ മോഡല്‍ എത്തുന്നത്. ഷീറ്റ് മെറ്റല്‍ വീല്‍, കാസ്റ്റ് വീല്‍ എന്നിങ്ങനെ രണ്ട് വകഭേദങ്ങളിലായാണ് പുതിയ മോഡലുകള്‍ എത്തുക. പുതിയ ഡിസൈനിലും കളര്‍ ഓപ്ഷനിലും എത്തുന്ന പ്ലെഷര്‍ പ്ലസിന്റെ ഭാരം 101 കിലോഗ്രാമാണ്.

7500 ആര്‍പിഎമ്മില്‍ 8 ബിഎച്ച്പി പവറും 5500 ആര്‍പിഎം ടോര്‍ക്കും സൃഷ്ടിക്കുന്ന 110.9 സിസി എഞ്ചിനാണ് പ്ലെഷര്‍ പ്ലസിനുള്ളത്. ഹെഡ്‌ലൈറ്റ് ഡിസൈന്‍, ഇന്‍ഡിക്കേറ്റര്‍, മുന്‍ വശത്തെ സില്‍വര്‍ പ്ലാസ്റ്റിക് ക്ലാഡിങ്, പരിഷ്‌ക്കരിച്ച സൈഡ് പാനല്‍ എന്നിവ പ്ലെഷര്‍ പ്ലസിനെ കൂടുതല്‍ ആകര്‍ഷകമാക്കുന്നു. യുഎസ്ബി ചാര്‍ജിംഗ് സ്ലോട്ടും മറ്റൊരു പ്രത്യേകതയാണ്. ഇന്റഗ്രേറ്റഡ് ബ്രേക്കിങ് സംവിധാനമാണ് വാഹനത്തിലുള്ളത്. ഇത് വാഹനത്തിന്റെ സുരക്ഷ വര്‍ധിപ്പിക്കുന്നു.

ഗ്രീന്‍ മാറ്റ്, ബ്ലൂ, ഗ്രേ, ബ്ലാക്ക്, വൈറ്റ്, റെഡ്, റെഡ് സോളിഡ് എന്നിങ്ങനെ ഏഴ് നിറങ്ങളില്‍ പ്ലെഷര്‍ പ്ലസ് ലഭ്യമാകും. മെയ് മാസം അവസാനത്തോടെ ഉപഭോക്താക്കള്‍ക്ക് വാഹനം ലഭ്യമായി തുടങ്ങും. ഷീറ്റ് മെറ്റല്‍ വീലിന് 47,300 രൂപയും കാസ്റ്റ് വീലിനു 49,300 രൂപയുമാണ് വില.

220 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close