Vehicle

വിപണി പിടിക്കാന്‍ മാരുതി; 7 സീറ്റര്‍ വാഗണ്‍ ആര്‍ ജൂണില്‍ എത്തും

മാരുതിയുടെ ജനപ്രിയ വാഹനങ്ങളില്‍ എക്കാലത്തും മുന്‍പന്തിയിലാണ് വാഗണ്‍ ആറിന്റെ സ്ഥാനം. മാരുതി പുതുതായി അവതരിപ്പിക്കുന്ന 7 സീറ്റര്‍ വാഹനം ജൂണോടെ നിരത്തിലിറങ്ങുമെന്നാണ് ലഭിക്കുന്ന റിപ്പോര്‍ട്ട്. എര്‍ട്ടിഗക്ക് പിന്നാലെയെത്തുന്ന മാരുതിയുടെ വാഗണ്‍ ആര്‍ എം.പി.വി (മള്‍ട്ടിപ്പിള്‍ പര്‍പ്പസ് വെഹിക്കിള്‍) ആയിട്ടായിരിക്കും വിപണിയിലെത്തുക. കുടുംബങ്ങളുടെ പ്രിയപ്പെട്ട വാഹനമെന്ന വിശേഷണത്തോടെയാണ് വാഗണ്‍ ആര്‍ പുതിയ വാഹനം അവതരിപ്പിക്കാനൊരുങ്ങുന്നത്.

രൂപത്തില്‍ വലിയ മാറ്റമില്ലാതെ നിലവിലുള്ള വാഹനത്തേക്കാള്‍ നീളം കൂട്ടി 7 പേര്‍ക്ക് യാത്ര ചെയ്യാവുന്ന രീതിയിലാണ് രൂപകല്‍പ്പന ചെയ്തിരിക്കുന്നത്. പഴയ വാഗണ്‍ ആറിലെ 1.2 ലിറ്റര്‍ പെട്രോള്‍ എഞ്ചിന്‍ തന്നെയാകും പുതിയ വാഹനത്തിലും ഉണ്ടാവുകയെന്നാണ് വിവരം. 82 ബി.എച്ച്.പി കരുത്തും 113 എന്‍.എം ടോര്‍ക്കും എഞ്ചിന്‍ നല്‍കുന്നു. അഞ്ച് സ്പീഡ് മാനുവലിനൊപ്പം ഓട്ടോമാറ്റിക് ട്രാന്‍സ്മിഷനും വാഹനത്തിന്റെ സവിശേഷതയാണ്.

രണ്ട് വര്‍ഷം മുന്‍പാണ് വാഗണ്‍ അര്‍ 7 സീറ്റര്‍ ആദ്യമായി അവതരിപ്പിക്കപ്പെടുന്നത്. ഇന്തോനേഷ്യയില്‍ അന്ന് അവതരിപ്പിക്കപ്പെട്ട വാഹനത്തിന് ആര്‍3 എന്നായിരുന്നു പേര്. ഈ വാഹനമാകും പുതിയ മാറ്റങ്ങളോടെ ഇന്ത്യന്‍ നിരത്തുകളിലെത്തുക. റെനോക്കും ഡാറ്റ്‌സണും പിന്നാലെ മാരുതിയും എ.പി.വി ശ്രേണിയിലേക്ക് കൂടുതല്‍ ശ്രദ്ധ ചെലുത്തിയിരിക്കുകയാണ്.

1999-ല്‍ നിരത്തിലിറങ്ങിയ വാഗണ്‍ ആര്‍ കഴിഞ്ഞ 20 വര്‍ഷത്തെ കണക്കുകള്‍ പ്രകാരം ഇന്ത്യയില്‍ ഏറ്റവുമധികം വിറ്റഴിക്കുന്ന 5 കാറുകളുടെ പട്ടികയില്‍ ഇടംപിടിച്ചിട്ടുണ്ട്.പ്രീമിയം ഡീലര്‍ഷിപ്പായ നെക്‌സ വഴിയാണ് 7 സീറ്റര്‍ വാഗണ്‍ ആര്‍ വിപണിയിലെത്തുക.

769 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close