ജപ്പാനീസ് കമ്പനിയായ സുസുക്കിയുടെ ജനപ്രിയ മോഡല് ജിക്സര് എസ്എഫ് ഇന്ത്യന് വിപണിയിലെത്തി. 1.7 ലക്ഷം രൂപയാണ് ബൈക്കിന്റെ വില. രൂപത്തില് സാധാരണ ജിക്സറിനോട് സാമ്യമുണ്ടെങ്കിലും സുസുക്കി ജിഎക്സ്എസ് 300ലെ ചില ഡിസൈനുകള് ബൈക്കിലുണ്ട്.
26.5 ബിഎച്ച്പി കരുത്തേകുന്ന ബിഎസ്6 നിലവാരമുള്ള 250 സിസി സിംഗിള് സിലിണ്ടര് എയര് കൂള്ഡ് എന്ജിനാണ് വാഹനത്തിന് നല്കിയിരിക്കുന്നത്. യമഹ FZ25, ഹോണ്ട CBR250, ഡ്യൂക്ക് 200 എന്നീ വാഹനങ്ങളാണ് ജിക്സര് 250 യുടെ എതിരാളികള്.
മ്യൂസിക്, മെസേജ്, കോള് എന്നീ സൗകര്യങ്ങള് ലഭ്യമാക്കാന് ബ്ലൂടൂത്ത് കണക്റ്റിവിറ്റിയുള്ള ഡിജിറ്റല് ഇന്സ്ട്രുമെന്റ് കണ്സോളും വാഹനത്തിലുണ്ടാകും. ബൈക്കിന്റെ ടെയില് ലാമ്പ് എല്ഇഡിയായിരിക്കും. മുന്നിലും പിന്നിലും ഡിസ്ക് ബ്രേക്കും എബിഎസുമാണ് സുരക്ഷയൊരുക്കുന്നത്. മുന്നില് സാധാരണ ടെലിസ്കോപിക് ഫോര്ക്കും പിന്നില് അഡ്ജസ്റ്റ് ചെയ്യാന് സാധിക്കുന്ന മോണോഷോക്കുമാണ് ഒരുക്കുന്നത്. 161 കിലോ ആണ് ബൈക്കിന്റെ ഭാരം.
