എല്ലാവിധ സുരക്ഷ സജ്ജീകരണങ്ങളും ഉള്പ്പെട്ട വാഹനമാണ് റേഞ്ച് റോവര്. സുരക്ഷയില് മുന്നിരയിലെ വാഹനമായതിനാല് റേഞ്ച് റോവര് തന്നെയാണ് പ്രധാനമന്ത്രി നരേന്ദ്ര മോദിയുടെ ഔദ്യോഗിക വാഹനമായി ഉപയോഗിക്കുന്നത്. എല്ലാവരേയും ആകര്ഷിക്കുന്ന വാഹനമാണ് റേഞ്ച് റോവര്.
വിപണിയില് LWB വോഗ് LWB വോഗ് SE വകഭേദങ്ങളിലാണ് റേഞ്ച് റോവര് ലഭിക്കുന്നത്. 3.0 ലിറ്റര് ശേഷിയുള്ള v6 സൂപ്പര്ചാര്ജിംഗ് പെട്രോള് എഞ്ചിനാണ് റേഞ്ച് റോവറിന്. 6,500 ആര്പിഎമ്മില് 335 ബിഎച്ച്പി കരുത്തും 3,500-5000 ആര്പിഎമ്മില് 450 എന്എം ടോര്ക്കും ഉള്ളതാണ്.
ടെറൈന് റെസ്പോണ്സ്, ഓള്-ടെറൈന് പ്രോഗ്രസ് കണ്ട്രോള്, ടയര് പ്രഷര് മോണിറ്ററിംഗ് സംവിധാനം, ഡൈനാമിക് സ്റ്റബിലിറ്റി കണ്ട്രോള്, ഇലക്ട്രോണിക്ക് ബ്രേക്ക് ഫോഴ്സ് ഡിസ്ട്രിബ്യൂഷന്, ഇല്കട്രിക്ക് പാര്ക്കിംഗ് ബ്രേക്ക്, ഇലക്ട്രണിക്ക് സ്റ്റബിലിറ്റി പ്രോഗ്രാം, കോര്ണറിംഗ് ബ്രേക്ക് കണ്ട്രോള്, ഇലക്ട്രോണിക്ക് എയര് സസ്പെന്ഷന് എന്നീ ഫീച്ചറുകള് എസ്യുവിയിലുണ്ട്. ആക്ടിവ് സ്പീഡ് ലിമിറ്റര്, ഇലക്ട്രോണിക്ക് ട്രാക്ഷന് കണ്ട്രോള്, ഓട്ടോമാറ്റിക്ക് ആക്സസ് ഹൈറ്റ്, റോള് സ്റ്റബിലിറ്റി, ഇലക്ട്രോണിക്ക് പവര് അസിസ്റ്റഡ് സ്റ്റിയറിംഗ്, എമര്ജന്സി ബ്രേക്ക് അസിസ്റ്റ്, ഹില് ഡിസന്റ് കണ്ട്രോള് എന്നീ സവിശേഷതകളും റേഞ്ച് റോവര് വോഗ് LWB-യില് ലഭ്യമാണ്.
8 സ്പീഡാണ് ഓട്ടോമാറ്റിക്ക് ഗിയര്ബോക്സ്. പൂജ്യത്തില് നിന്ന് 100 കിലോമീറ്റര് വേഗം തൊടാന് വെറും 7.8 സെക്കന്ഡുകള് മാത്രം മതി എസ്യുവിയ്ക്ക്. മണിക്കൂറില് 209 കിലോമീറ്ററാണ് എസ്യുവിയുടെ പരമാവധി വേഗം. നിലവില് റേഞ്ച് റോവര് LWB വോഗിന് 1.92 കോടി രൂപയും റേഞ്ച് റോവര് LWB വോഗ് SEയ്ക്ക് 2.11 കോടി രൂപയുമാണ് എക്സ്ഷോറൂം വില.