അപ്രീലിയ നിരത്തിലെ ഏറ്റവും വില കുറഞ്ഞ മോഡലായ അപ്രീലിയ സ്റ്റോം 125 സ്ക്കൂട്ടര് ഇന്ത്യന് വിപണിയിലെത്തി. 65,000 രൂപയാണ് പൂനൈ എക്സ് ഷോറുമില് വാഹനത്തിന്റെ വില. അപ്രീലിയ എസ്ആര് 125, എസ്ആര് 150 എന്നിവയുമായി സാമ്യമുള്ള അപ്രീലിയ സ്റ്റോം 125 ന് കളര് കോമ്പിനേഷനിലും ഗ്രാഫിക്സിലും ചെറിയ വ്യത്യാസങ്ങള് ഉണ്ട്.
പുതിയ ഗ്രാബ് ഹാന്ഡിലും വൈറ്റ് കളറിലുള്ള അപ്രീലിയ ലോഗോയുമാണ് പ്രധാന ആകര്ഷണം. മാറ്റ് യെല്ലോ, മാറ്റ് ബ്ലാക്ക് എന്നിങ്ങനെ രണ്ട് നിറങ്ങളിലാണ് വാഹനം ലഭ്യമാകുന്നത്. 9.52 ബിഎച്ച്പി പവറും 9.9എന്എം ടോര്ക്കും സൃഷ്ടിക്കുന്ന 124.9 സിസി എയര് കൂള്ഡ് എഞ്ചിനാണ് 125 സ്റ്റോമിന് ഉള്ളത്.
മുന്നില് 120/80,പിന്നില് 130/80അളവിലുള്ള ഡ്യുവല് പര്പ്പസ് ടയറാണ് വാഹനത്തിനുള്ളത്. ടിവിഎസ് എന്ടോര്ക്ക് 125, ഹോണ്ട ഗ്രാസ്യ, സുസുക്കി ആക്സസ് 125, ഹീറോ മൈസ്ട്രോ എഡ്ജ് 125 എന്നിവയാണ് അപ്രീലിയ സ്റ്റോമിന്റെ മുഖ്യ എതിരാളികള്.
