റോള്സ് റോയ്സിന്റെ ആദ്യ എസ്യുവിയായ കള്ളിനന് ഇന്ത്യന് വിപണിയിലെത്തി. 6.5 കോടി രൂപയാണ് വാഹനത്തിന്റെ വില. റോള്സ് റോയ്സ് ഫാന്റത്തില് നിന്നും പ്രചോദനം ഉള്ക്കൊണ്ടാണ് കള്ളിനന് ഡിസൈന് ചെയ്തിരിക്കുന്നത്.
എല്ലാ സാഹചര്യങ്ങളിലൂടെയും പരീക്ഷണ ഓട്ടം നടത്തിയ ശേഷമാണ് കള്ളിനന് വിപണിയില് അവതരിപ്പിച്ചത്. 563 ബിഎച്ച്പി കരുത്തും 850 എന്എം ടോര്ക്കും നല്കുന്ന 6.75 ലിറ്റര് ട്വിന് ടര്ബോ വി12 പെട്രോള് എഞ്ചിനാണ് വാഹനത്തിന് കരുത്തേകുന്നത്. ഓള് വീല് ഡ്രൈവിലുള്ള ആദ്യ റോള്സ് റോയ്സ് ആയ കള്ളിനനില് ഓള് വീല് സ്റ്റീയര് സംവിധാനവും ഉണ്ട്.
5.341 മീറ്റര് നീളവും 2.164 മീറ്റര് വീതിയുമുള്ള കാറിന്റെ വീല്ബേസ് 95 മീറ്റര് ആണ്. വ്യൂയിംഗ് സ്യൂട്ടാണ് കള്ളിനന്റെ മറ്റൊരു പ്രധാന ആകര്ഷണം. സ്വിച്ച് അമര്ത്തിയാല് പിന്നിലെ ബൂട്ട് തുറന്ന് രണ്ട് കസേരകളും ചെറിയ ഒരു മേശയും പുറത്തേക്ക് വരും.
ടച്ച് സ്ക്രീന് ഇന്ഫോടെയ്ന്മെന്റ് സംവിധാനവും വാഹനത്തിലുണ്ട്. പിന്സീറ്റ് യാത്രികര്ക്കായി 12 ഇഞ്ച് സ്ക്രീനും ഉണ്ട്. നൈറ്റ് വിഷന്, വിഷന് അസിസ്റ്റ്, അലേര്ട്ട്നെസ് അസിസ്റ്റ്, ആക്ടീവ് ക്രൂയിസ് കണ്ട്രോള്, വൈല്ഡ് ലൈഫ് ആന്റ് പെഡസ്ട്രിയന് വാര്ണിങ് സിസ്റ്റം, ആക്ടീവ് ക്രൂയിസ് കണ്ട്രോള് തുടങ്ങി നിരവധി സുരക്ഷാ സംവിധാനങ്ങള് വാഹനത്തിലുണ്ട്.
8 സ്പീഡ് ഓട്ടോമാറ്റിക് ഗിയര് ബോക്സ് ഉള്ള വാഹനത്തിന്റെ പരമാവധി വേഗം മണിക്കൂറില് 250 കിലോമീറ്റര് ആണ്. വാഹനത്തിന്റെ പിന്നില് സ്യൂയിസൈഡ് ഡോറാണ്. ഇത്തരത്തിലുള്ള വാതില് നല്കുന്ന ആദ്യ എസ്യുവിയാണ് കള്ളിനന്.
കള്ളിനനിലൂടെ ഇന്ത്യയില് റോള്സ് റോയ്സിന്റെ വില്പ്പനയില് വന് മുന്നേറ്റം നടത്താന് കഴിയുമെന്നാണ് കമ്പനിയുടെ പ്രതീക്ഷ.