സുസുക്കി ടൊയോട്ട കമ്പനിയുടെ പുതിയ കൂട്ടുകെട്ടിന്റെ ഭാഗമായ ബലോനോയുടെ ടൊയോട്ട വേര്ഷനായ ഗ്ലാന്സ വിപണിയിലെത്തി. ഇരുകമ്പനികളുടെയും കൂട്ടുകെട്ടില് പുറത്തിറങ്ങുന്ന ആദ്യ വാഹനമായ ടൊയോട്ട ഗ്ലാന്സ നാല് വകഭേദങ്ങളിലായാണ് പുറത്തിറങ്ങിയത്. ഡിസൈനിങ്ങിലും വലിപ്പത്തിലും സൗകര്യത്തിലും ബലേനൊയ്ക്ക് തുല്യനായ ഗ്ലാന്സയുടെ വില 7.29 ലക്ഷം മുതലാണ് ആരംഭിക്കുന്നത്.
അടിസ്ഥാന വകഭേദമായ ജിയുടെ മാനുവല് പതിപ്പിന് 7.68 ലക്ഷം രൂപയും ഓട്ടോമാറ്റിക്കിന് 8.37 ലക്ഷം രൂപയുമാണ്. ഉയര്ന്ന വകഭേദമായ വി മാനുവലിന് 7.68 ലക്ഷം രൂപയും സിവിടിയ്ക്ക് 9 ലക്ഷം രൂപയുമാണ് വില. ടൊയോട്ടയുടെ എക്സ്ക്ലൂസീവ് ആക്സസറീസുകളായ സ്മാര്ട്ട്ഫോണ് ആപ്, ടൊയോട്ട എക്സ്പ്രസ് സര്വീസസ്, റോഡ്സൈഡ് അസിസ്റ്റന്സ് തുടങ്ങിയവ ഗ്ലാന്സയുടെ ഫീച്ചറാണ്.
83 ബിഎച്ച്പി കരുത്തും 115 എന്എം ടോര്ക്കുമേകുന്ന 1.2 ലിറ്റര് കെ 12 സി എഞ്ചിനാണ് ഗ്ലാന്സയുടെ ജി വകഭേദത്തില് ഉപയോഗിച്ചിരിക്കുന്നത്. 89.7 കരുത്തുള്ള 1.2 ലിറ്റര് ഡ്യുവല്ജെറ്റ് ഹൈബ്രിഡ് പെട്രോള് എന്ജിനാണ് ജി സിവിടിയിലും വി വകഭേദത്തിലും വി സിവിടിയിലും ഉപയോഗിച്ചിരിക്കുന്നത്. ബിഎസ് 6 ശ്രേണിയിലാണ് വാഹനം അവതരിപ്പിച്ചിരിക്കുന്നത്.
മാരുതി ബലേനൊയിലെ വലിയ ഗ്രില്ല് ഗ്ലാന്സയില് ഇല്ല. പക്ഷേ ഗ്ലാന്സയെ കൂടുതല് സ്റ്റൈലിഷാക്കി വലിയ എയര്ഡാമും സ്പോര്ട്ടി ബമ്പറും നീളമേറിയ ഡ്യുവല് ബീം ഹെഡ്ലാമ്പും ടൊയോട്ട ലോഗോയുമുണ്ട്. ടെയില് ഗേറ്റിന്റെ മധ്യഭാഗത്ത് ടൊയോട്ടയുടെ ലോഗോയും ഇടത് സൈഡില് ഗ്ലാന്സ ബാഡ്ജിങ്ങും വലത് വശത്ത് വേരിയന്റും മാര്ക്കിങ്ങുമാണ് പിന്നിലെ മാറ്റം.
ബലേനോയിലെ അതേ അലോയി വീലുകളും, അതെ ക്യാബിനും തന്നെയാണ് ഗ്ലാന്സയിലും ഉള്ളത്. ഇന്ഫോടെയ്ന്മെന്റ് സിസ്റ്റം, ക്ലൈമറ്റ് കണ്ട്രോള്, മള്ട്ടി ഫങ്ങ്ഷനിങ്ങ് സ്റ്റിയറിങ്ങ് വീല് എന്നിവയും വാഹനത്തിലുണ്ട്. ഡ്യുവല് എയര്ബാഗ്, എബിഎസ്, ഇബിഡി, ബ്രേക്ക് അസിസ്റ്റ്, റിയര് പാര്ക്കിങ് സെന്സര്, സീറ്റ് ബെല്റ്റ് റിമൈന്ഡര്, സ്പീഡ് അലേര്ട്ട് എന്നിങ്ങനെയുള്ള സുരക്ഷ സംവിധാനങ്ങളും ഗ്ലാന്സയില് ഉണ്ട്.