Vehicle

രാജ്യത്തെ ആദ്യത്തെ ഭാരത് സ്‌റ്റേജ് 6 ഇരുചക്ര വാഹനം പുറത്തിറക്കി ഹോണ്ട

വാഹനങ്ങള്‍ മൂലമുള്ള അന്തരീക്ഷ മലിനീകരണം കുറയ്ക്കാനായി ഭാരത സര്‍ക്കാര്‍ ആവിഷ്‌ക്കരിച്ച ഭാരത് സ്റ്റേജ് 6 നിലവാരത്തിലുള്ള രാജ്യത്തെ ആദ്യ ഇരുചക്ര വാഹനം ഹോണ്ട വിപണിയില്‍ അവതരിപ്പിച്ചു. ആക്ടീവ 125 Fl മോഡലാണ് ബിഎസ് 6 എഞ്ചിനില്‍ പുറത്തിറക്കിയത്.

നിലവില്‍ ബിഎസ് 4 നിലവാരത്തിലുള്ള വാഹനങ്ങളാണ് ഇന്ത്യയിലുള്ളത്. 2020 ഏപ്രില്‍ ഒന്ന് മുതല്‍ ഇന്ത്യന്‍ നിരത്തുകളിലെ വാഹനങ്ങള്‍ക്ക് ബിഎസ് 6 നിര്‍ബന്ധമാക്കും. അതോടെ വായു മലിനീകരണം ഗണ്യമായി കുറയും.

Loading...

പുതിയ ഡിസൈനിലുള്ള എല്‍ഇഡി ഹെഡ്‌ലാമ്പ്, സൈഡ് സ്റ്റാന്‍ഡ് ഇന്‍ഡിക്കേറ്റര്‍, എക്‌സ്റ്റേണല്‍ ഫ്യുവല്‍ ക്യാപ്, എന്നിവയാണ് മുന്‍ മോഡലുകളില്‍ നിന്നും ആക്ടീവ Fl നെ വ്യത്യസ്തമാക്കുന്നത്. ഇന്ധനക്ഷമത വര്‍ധിപ്പിക്കാന്‍ ഐഡില്‍ സ്റ്റാര്‍ട്ട് സറ്റോപ് സിസ്റ്റവും വാഹനത്തിലുണ്ട്.

സൈഡ് സ്റ്റാന്‍ഡ് തട്ടിയാല്‍ മാത്രമെ വാഹനം സ്റ്റാര്‍ട്ട് ചെയ്യാന്‍ കഴിയൂ. ബിഎസ് 6 നിലവാരത്തിലുള്ള 124.9 സിസി സിംഗിള്‍ സിലണ്ടര്‍ എയര്‍ കൂള്‍ഡ് ഫ്യുവല്‍ ഇഞ്ചക്ഷന്‍ എഞ്ചിനാണ് വാഹനത്തിന് കരുത്തേകുന്നത്. 8.52 ബിഎച്ച് പവറും 10.54 എംഎന്‍ ടോര്‍ക്കും സൃഷ്ടിക്കുന്ന എഞ്ചിനാണിത്.

വാഹനത്തിന്റെ മുന്നില്‍ ഡിസ്‌ക് ബ്രേക്കും പിന്നില്‍ ഡ്രം ബ്രേക്കുമാണുള്ളത്. കോംബി ബ്രേക്ക് സംവിധാനവും വാഹനത്തിലുണ്ട്. ബ്ലാക്ക്, റെഡ് മെറ്റാലിക്, ഹെവി ഗ്രേ മെറ്റാലിക്, മിഡ്‌നൈറ്റ് ബ്ലൂ മെറ്റാലിക് എന്നിങ്ങനെ വിവിധ നിറങ്ങളില്‍ വാഹനം ലഭ്യമാകും. ഈ വര്‍ഷം അവസാനത്തോടെ വാഹനം വിപണിയിലെത്തും.

493 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close