ടാറ്റ മോട്ടോഴ്സിന്റെ ആഡംബര വാഹനമായ ജഗ്വാര് ലാന്ഡ് റോവര് ഇലക്ട്രിക് വാഹനങ്ങള് വിപണിയില് അവതരിപ്പിക്കാന് തയ്യാറെടുക്കുന്നു. ജഗ്വാര് എക്സ് ജെയും റേഞ്ച് റോവര് എസ്യുവിയും ആണ് ജെഎല്ആര് ശ്രേണിയിലെ ആദ്യ ഇലക്ട്രിക് വാഹനങ്ങള് എന്നാണ് ലഭ്യമാകുന്ന റിപ്പോര്ട്ടുകള്. റേഞ്ച് റോവറിന്റെ ഇലക്ട്രിക് മോഡലുകള് 2021 ല് വില്പനയ്ക്കെത്തുമെന്നാണ് സൂചനകള്. എക്സ് ജെയുടെ ഇലക്ട്രിക് മോഡലുകള് അടുത്ത വര്ഷം വിപണിയിലെത്തുമെന്നാണ് പ്രതീക്ഷിക്കുന്നത്.
ഇലക്ട്രിക് മോഡല് വിപണിയിലെത്തുന്നതോടെ നിലവിലുള്ള മോഡലിന്റെ നിര്മ്മാണം അവസാനിപ്പിക്കാനാണ് ജെആര്എല് തയ്യാറെടുക്കുന്നത്. ആറ് സിലണ്ടര് എഞ്ചിനിലായിരിക്കും വാഹനം പുറത്തിറങ്ങുക. ടെസ്ല എസ്, ഔഡി ഇ ട്രോണ്, പോര്ഷെ ടൈകാന് എന്നിവയായിരിക്കും ജഗ്വാര് എക്സ് ജെയുടെ മുഖ്യ എതിരാളികള്. മോഡുലാര് ലോഞ്ചിറ്റിയൂഡിനല് ആര്ക്കിടെക്ച്വര് പ്ലാറ്റ്ഫോമിലാണ് ജെഎല്ആര് പുതിയ കാറുകള് നിര്മ്മിക്കുന്നത്.
ഇലക്ട്രിക് വാഹനങ്ങളുടെ നിര്മ്മാണത്തിനായി പുതിയ പ്ലാറ്റ്ഫോം വികസിപ്പിക്കാതെ എംഎല്എ പ്ലാറ്റ്ഫോമിനെ തന്നെ ആശ്രയിക്കുന്നത് വാഹനത്തിന്റെ ചെലവ് കുറയ്ക്കാന് സഹായിക്കും.