പോര്ഷെ മകാന്റെ പരിഷ്ക്കരിച്ച പതിപ്പ് ഇന്ത്യന് വിപണിയിലെത്തി. 80 ലക്ഷത്തിലധികം വിലയുള്ള വാഹനം 69.98 ലക്ഷം രൂപയ്ക്കാണ് ഇന്ത്യയില് അവതരിപ്പിച്ചത്. 2018 ലാണ് മകാന്റെ പുതിയ പതിപ്പ് ആഗോള തലത്തില് അവതരിപ്പിച്ചത്. ഗ്രീന് മെറ്റാലിക്, ഡോളോമൈറ്റ് സില്വര് മെറ്റാലിക്, മിയാമി ബ്ലൂ, മിയാമി ക്രെയോണ് എന്നിങ്ങനെയുള്ള നിറങ്ങളിലാണ് മകാന് വിപണിയിലെത്തുന്നത്
2.0 ലിറ്റര് ടര്ബോ ചാര്ജ്ഡ്, 3.0 ടര്ബോ ചാര്ജിഡ് വി 6 പ്രെട്രോള് എന്നീ വകഭേദങ്ങളിലാണ് മകാന് എത്തുന്നത്. 2.0 ലിറ്റര് എഞ്ചിന് 252 ബിഎച്ച്പി പവറും 370 എന്എം ടോര്ക്കും സൃഷ്ടിക്കും. 3.0 ലിറ്റര് വി 6 എഞ്ചിന് 354 ബിഎച്ച്പി പവറും 480 എന്എം ടോര്ക്കും സൃഷ്ടിക്കും. 7 സ്പീഡ് ക്ലച്ച് ട്രാന്സ്മിഷനാണ് വാഹനത്തിലുള്ളത്.
10.9 ഇഞ്ച് ടച്ച് സ്ക്രീന് സിസ്റ്റവും എല്ഇഡി ടെയില് ലാമ്പും മകാന്റെ പ്രത്യേകതയാണ്. ഓണ്ലൈന് നാവിഗേഷന്, ക്ലൈമെറ്റ് കണ്ട്രോള്, ക്രൂസ് കണ്ട്രോള് എന്നിവയും വാഹനത്തിലുണ്ട്.