UAE

ഇന്ത്യന്‍ പ്രധാനമന്ത്രി നരേന്ദ്ര മോദി യുഎഇയും ബഹറിനും സന്ദർശിക്കും.ഓഗസ്റ്റ് 23 മുതല്‍ 25 വരെയാണ് നരേന്ദ്ര മോദിയുടെ ഇരു രാജ്യങ്ങളിലുമായുള്ള സന്ദര്‍ശനം

ഓഗസ്റ്റ്  ഇരുപത്തിമൂന്നിനാണ് പ്രധാനമന്ത്രി നരേന്ദ്രമോദി തന്റെ മൂന്നാമത്  സന്ദർശത്തിനായി യു.എ.ഇയിലെത്തുകയെന്ന് കേന്ദ്ര വിദേശകാര്യ മന്ത്രാലയം അറിയിച്ചു.യു എ ഇയിലത്തുന്ന നരേന്ദ്രമോദി  യു എ ഇയുടെ പരമോന്നത സിവിലിയൻ ബഹുമതിയായ സായിദ് മെഡൽ  സ്വീകരിക്കും.

അബുദാബി കിരീടാവകാശിയും യുഎഇ സായുധസേനയുടെ ഉപസർവ സൈന്യധിപനുമായ ഷെയ്ഖ് മുഹമ്മദ് ബിൻ സായിദ് അൽ നഹ്യാനുമായി കൂടിക്കാഴ്ചയും  നടത്തും. ആദ്യമായാണ് ഒരു ഇന്ത്യൻ പ്രധാനമന്ത്രി മൂന്നാം വട്ടം  യുഎഇ സന്ദർശിക്കുന്നത്. നരേന്ദ്രമോദിയുടെ യു.എ.ഇ സന്ദർശനങ്ങൾക്ക്  ശേഷം ഇരു രാജ്യങ്ങളും  തമ്മിലുള്ള ബന്ധം കൂടുതൽ ശക്തമായ സാഹചര്യത്തിൽ പ്രധാനമന്ത്രിയുടെ വരവിനെ ഏറെ പ്രതീക്ഷയോടെയാണ് ലോകം ഉറ്റു നോക്കുന്നത്.യുഎഇയിൽ നിന്ന  ഇരുപത്തിനാലിന് നരേന്ദ്രമോദി ബഹറിനിലേക്ക് പോകും.

ആദ്യമായാണ് ഒരു ഇന്ത്യന്‍ പ്രധാനമന്ത്രി ബഹറിന്‍ സന്ദര്‍ശിക്കാനൊരുങ്ങുന്നത്.ബഹറിന്‍ പ്രധാനമന്ത്രി ഷെയ്ഖ് ഖലീഫ ബിന്‍ സല്‍മാന്‍ അല്‍ ഖലീഫയുമായി കൂടിക്കാഴ്ച   നടത്തുന്ന നരേന്ദ്ര മോദി രാജ്യത്തെ പ്രവാസി ഇന്ത്യക്കാരെയും അഭിസംബോധന ചെയ്ത് സംസാരിക്കും.പ്രധാനമന്ത്രിക്കായി ഒരുക്കുന്ന സ്വീകരണ പരിപാടിയിൽ പങ്കെടുക്കാനുള്ള രജിസ്ട്രേഷന് വേണ്ടി പ്രത്യേക വെബ്‌സൈറ്റും സജ്ജമാക്കിയിട്ടുണ്ട്.

12 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close