റാണിമുഖര്ജി നായികയായി എത്തുന്ന പുതിയ ചിത്രമാണ് മര്ദാനി2 . പൊലീസ് ഉദ്യോഗസ്ഥയായ ശിവാനി ശിവജി റോയി എന്ന കഥാപാത്രത്തെയാണ് റാണി ചിത്രത്തില് അവതരിപ്പിക്കുന്നത്. ചിത്രത്തിന്റെ ടീസര് പുറത്തുവിട്ടു.
2014 ല് പുറത്തിറങ്ങിയ ഹിറ്റ് ചിത്രം ‘മര്ദാനി’യുടെ രണ്ടാം ഭാഗമാണിത്. പ്രദീപ് സര്ക്കാര് ആയിരുന്നു ആദ്യ ഭാഗം സംവിധാനം ചെയ്തിരുന്നത്. രണ്ടാം ഭാഗത്തിന്റെ ഫസ്റ്റ് ലുക്ക് ആരാധകര് ഏറ്റെടുത്തിരുന്നു.
മനുഷ്യക്കടത്തിന് എതിരെ പോരാടുന്ന പോലീസ് ഉദ്യോഗസ്ഥയായിട്ടാണ് റാണി മുഖര്ജി ചിത്രത്തില് അഭിനയിച്ചത്. രണ്ടാം ഭാഗത്തിലും മുതിര്ന്ന പൊലീസ് ഉദ്യോഗസ്ഥയായ ശിവാനി ശിവജി ആയിട്ടാണ് റാണി അഭിനയിക്കുന്നത്. റാണി മുഖര്ജിയുടെ വന് തിരിച്ചുവരവാകും ക്രൈം ത്രില്ലറായ മര്ദാനിയുടെ രണ്ടാം ഭാഗമെന്നാണ് ആരാധകര് പ്രതീക്ഷിക്കുന്നത്.
മര്ദാനിയുടെ ആദ്യ ഭാഗത്തിന്റെ തിരക്കഥ ഒരുക്കിയ ഗോപി പുത്രന് ആണ് രണ്ടാം ഭാഗം തിരക്കഥയെഴുതി സംവിധാനം ചെയ്യുന്നത്. റാണിയുടെ വിവാഹ ശേഷം റിലീസായ ‘മര്ദാനി’ വേറിട്ട അവതരണവും റാണിയുടെ മാസ് പ്രകടനവുമൊക്കെ ചേര്ന്നപ്പോള് വന് വിജയമായിരുന്നു.
This Navratri, good will triumph over evil. Mark the date. #Mardaani2onDecember13 #RaniMukerji #GopiPuthran @Mardaani2 pic.twitter.com/vHdmtiMrTw
— Yash Raj Films (@yrf) September 30, 2019