Vehicle

പിടിച്ചെടുത്തത് അപൂര്‍വ്വങ്ങളായ 25 കാറുകള്‍, ഗിനിയന്‍ വൈസ് പ്രസിഡന്റിന്റെ ശേഖരത്തില്‍ 40 കോടിയുടെ ലംബോര്‍ഗിനിയും

ഴിമതി കേസില്‍ പ്രതിയായ ഇക്വറ്റോറിയ ഗിനിയയുടെ വൈസ് പ്രസിഡന്റിന്റെ പക്കല്‍ നിന്നും പിടിച്ചെടുത്തത് അപൂര്‍വ്വങ്ങളായ സൂപ്പര്‍ കാറുകള്‍. ലംബോര്‍ഗിനി റോസ്റ്റര്‍, ആസ്റ്റണ്‍ മാര്‍ട്ടിന്‍ വണ്‍ 77 കൂപ്പെ, ഫെരാരി, ബുഗാട്ടി അടക്കം 25 സൂപ്പര്‍കാറുകളാണ് പിടിച്ചെടുത്തത്. പ്രസിഡന്റായ തിയഡോറോ ഒബിയാങ് നഗ്വിമ എംബസഗോയുടെ മകന്‍ തിയഡ്രോന്‍ നഗ്വിമ ഒബിയാങിന്റെ പക്കല്‍ നിന്നാണ് സര്‍ക്കാര്‍ വാഹനങ്ങള്‍ കണ്ടുകെട്ടിയത്.

ബോണ്‍ഹാംസ് എന്ന ലേല കമ്പനി മുഖേന ഈ കാറുകള്‍ ലേലത്തിന് വയ്ക്കുകയാണ് ചെയ്തത്. ഏകദേശം 132 കോടി മൂല്യം വരുന്ന വാഹനങ്ങള്‍ ദുബായില്‍ നിന്നുള്ള ഒരാള്‍ സ്വന്തമാക്കിയതായാണ് വിവരം. സ്വിസ്റ്റര്‍ലന്‍ഡിലെ ജനീവയിലാണ് സൂപ്പര്‍കാറുകളുടെ ലേലം നടന്നത്.

18.7 ദശലക്ഷം യുഎസ് ഡോളര്‍ (ഏകദേശം 132 കോടി രൂപ) ലേലത്തിലൂടെ സമാഹരിക്കാന്‍ സാധിക്കും എന്നാണ് ലേലകമ്പനി പറഞ്ഞിരുന്നത്. ലേലത്തിലൂടെ എത്ര രൂപ സമാഹരിക്കാന്‍ സാധിച്ചു എന്ന് ബോണ്‍ഹാംസ് വെളിപ്പെടുത്തിയിട്ടില്ല. ലേലത്തിന് വച്ച കാറുകളില്‍ 36 കോടി മുതല്‍ 40 കോടി രൂപവരെ മൂല്യമുള്ള ലംബോര്‍ഗിനി കാറുകളാണുള്ളത്.

 

85 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close