Entertainment

ശ്രദ്ധ കപൂര്‍ പിന്മാറി, സൈനയാകാന്‍ ഒരുങ്ങി പരിണീതി, ആശംസകള്‍ നേര്‍ന്ന് സൈന നെഹ്‌വാള്‍

ന്ത്യന്‍ ബാഡ്മിന്റണ്‍ താരം സൈന നെഹ്‌വാളിന്റെ ജീവിതകഥ വെള്ളിത്തിരയില്‍ എത്തുമ്പോള്‍ നായികയായെത്തുന്നത് പരിണീതി ചോപ്രയാണ്. താരത്തിനും അണിയറ പ്രവര്‍ത്തകര്‍ക്കും ആശംസകള്‍ അറിയിച്ച് സൈന തന്നെ രംഗത്തെത്തിയിരിക്കുകയാണ്. പരിണീതിയുടെ ഒരു ഫോട്ടോ ട്വിറ്ററില്‍ പോസ്റ്റ് ചെയ്താണ് സൈന പരിണീതിക്കും ടീമിനും ആശംകള്‍ അറിയിച്ചത്.

ശ്രദ്ധാ കപൂറിനെയായിരുന്നു സൈനയായി അഭിനയിക്കാന്‍ ആദ്യം തീരുമാനിച്ചത്. ആദ്യത്തെ ഫോട്ടോ ഷൂട്ടും കഴിഞ്ഞിരുന്നു. എന്നാല്‍ പിന്നീട് ശ്രദ്ധ കപൂര്‍ പ്രൊജക്ടില്‍ നിന്ന് പിന്‍മാറിയതോടെ പരിണീതിയെ പരിഗണിക്കുകയായിരുന്നു. പുതിയ ചിത്രം സ്ട്രീറ്റ് ഡാന്‍സറിന്റെ തിരക്ക് കാരണമാണ് ചിത്രത്തില്‍ നിന്ന് പിന്മാറുന്നതെന്ന് ശ്രദ്ധ നേരത്തെ അറിയിച്ചിരുന്നു. കൂടാതെ എബിസിഡി 2 എന്ന മറ്റൊരു സിനിമ കൂടി ചെയ്യേണ്ടതിനാല്‍ ഡേറ്റ് പ്രശ്‌നമായിരിക്കുമെന്നും ശ്രദ്ധ അമോല്‍ ഗുപ്തയെ അറിയിച്ചിരുന്നു.

അതേസമയം, സൈനയാകാനുള്ള കഠിന പ്രയത്‌നത്തിലാണ് പരിണീതി ചോപ്ര. കഥാപാത്രത്തെ പൂര്‍ണതയോടെ അവതരിപ്പിക്കാനാണ് പരിണീതിയുടെ ശ്രമം. സൈനയുടെ ജീവിതം വെളളിത്തിരയില്‍ എത്തിക്കുക എന്നത് ഏറെ വെല്ലുവിളി നിറഞ്ഞതാണെന്നും കഠിന പരിശീലനം ആവശ്യമാണെന്നും താരം പറഞ്ഞു.

സൈനയുടെ പരിശീലകന്‍ ഗോപീചന്ദിന്റെ വേഷത്തില്‍ എത്തുന്നത് മാനവ് കൗള്‍ ആണെന്ന സൂചനയുമുണ്ട്. സൈനയുടെ ജീവിത ചരിത്രം പ്രമേയമാകുന്ന ചിത്രം സംവിധാനം ചെയ്യുന്നത് അമോല്‍ ഗുപ്തയാണ്. ഒക്ടോബര്‍ 11ന് ചിത്രത്തിന്റെ ഷൂട്ടിങ്ങ് ആരംഭിക്കും.

103 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close