കൊച്ചി ; സിനിമയിലെ തുടക്കക്കാർക്ക് തണലാകാൻ മലയാളത്തിലെ മുതിർന്ന സിനിമാ പ്രവർത്തകർ . തിരക്കഥാകൃത്ത് ജോൺ പോളിന്റെ നേതൃത്വത്തിൽ ചലച്ചിത്ര മലയാളം എന്ന പേരിലാണ് പുതിയ കൂട്ടായ്മ ആരംഭിച്ചത് . 12 നവാഗത സംവിധായകരെ കൂട്ടായ്മയിൽ ആദരിച്ചു .
മലയാളത്തിലെ വെള്ളിത്തിരയിൽ ഹരിശ്രീ കുറിക്കുന്നവർക്ക് പിന്തുണയും , പ്രോത്സാഹവുമായാണ് ഈ സംവിധായകർ വിജയദശമി നാളില് ഒത്തുചേര്ന്നത്. മലയാളത്തിലെ മുതിർന്ന സംവിധായകർ ജോൺ പോളും , കെ ജി ജോർജും , ജോഷിയും ചേർന്ന് ചലച്ചിത്രമലയാളത്തിന് വിളക്ക് തെളിയിച്ചു .
തിരക്കഥ ഒരുക്കാനും , സിനിമാ ചിത്രീകരണത്തിനുമൊക്കെ നവാഗതർക്ക് ആവശ്യമായ സഹായങ്ങളും ഇവർ വാഗ്ദാനം ചെയ്തു . മാത്രമല്ല ലോകസിനിമയുടെ 125 )-0 വാർഷികമായ 2020 ൽ കൊച്ചിയിൽ വിപുലമായ ചലച്ചിത്രമേള ആരംഭിക്കാനും പദ്ധതിയുണ്ട് .
കെയർ ഓഫ് സൈറാ ബാനുവിന്റെ സംവിധായകൻ ആന്റണി സോണി , ഗോവിന്ദന് കുട്ടി, പ്രതീഷ് വിജയന് തുടങ്ങി 12 സംവിധായകരെയാണ് ചടങ്ങില് ആദരിച്ചത്. ഇവരുടെ പുതിയ ചിത്രങ്ങള് ഉടന് പുറത്തിറങ്ങും.
