Movie

കൂടത്തായി കൂട്ടക്കൊല സിനിമയാകുന്നു ; അന്വേഷണ ഉദ്യോഗസ്ഥനായി മോഹൻലാൽ

കേരളത്തെ ഞെട്ടിച്ച കൂടത്തായി കൂട്ടക്കൊലപാതകം സിനിമയാകുന്നു. മോഹൻലാലിനുവേണ്ടി നേരത്തേ തയാറാക്കിയ കുറ്റാന്വേഷണ കഥയ്ക്കു പകരമായാണ് കൂടത്തായി കൊലപാതക പരമ്പര സിനിമയാക്കുന്നതെന്ന് നിർമാതാവ് ആന്റണി പെരുമ്പാവൂർ പറഞ്ഞു.

മോഹൻലാൽ അന്വേഷണ ഉദ്യോഗസ്ഥനായി എത്തുന്ന സിനിമയുടെ തിരക്കഥ, സംവിധാനം എന്നിവ സംബന്ധിച്ച കൂടുതൽ വിവരങ്ങൾ പുറത്ത് വന്നിട്ടില്ല .

ഫെബ്രുവരിയോടെ ചിത്രീകരണം ആരംഭിക്കും . നേരത്തേ തയാറാക്കിയ കഥയുടെ ഭാഗങ്ങൾക്കൊപ്പം കൂടത്തായി സംഭവവും സിനിമയിൽ ഉൾപ്പെടുത്തും .

അതേ സമയം കൂടത്തായി കൂട്ടക്കൊലകേസിലെ പ്രതി ജോളി രണ്ടു പെണ്‍കുട്ടികളെ കൂടി കൊല്ലാന്‍ ശ്രമിച്ചതായി കണ്ടെത്തി. ആല്‍ഫൈനു പുറമെ കൊല്ലപ്പെട്ട ഭര്‍ത്താവ് റോയി തോമസിന്റെ വിദേശത്തുള്ള ബന്ധു മാര്‍ട്ടിന്റെ മകളെയും വ്യാജ ഒസ്യത്ത് തയാറാക്കാന്‍ സഹായിച്ച തഹസില്‍ദാര്‍ ജയശ്രീയുടെ മകള്‍ എന്നിവരെയാണ് കൊലപ്പെടുത്താന്‍ ശ്രമിച്ചത്.

ഭക്ഷണത്തില്‍ സയനൈഡ് കലര്‍ത്തിയാണ് കൊല്ലാന്‍ ശ്രമിച്ചത്. ഇതു സംബന്ധിച്ച് തെളിവുകള്‍ ലഭിച്ചതായി എസ് പി കെ ജി സൈമണ്‍ അറിയിച്ചു.

704 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close