Vehicle

ഇളവുകളുമായി സര്‍വീസ് കാര്‍ണിവല്‍; ഇന്ത്യന്‍ നിരത്തില്‍ ടൊയോട്ടക്ക് 20 വയസ്

കൊച്ചി: ഇന്ത്യന്‍ വാഹന വിപണിയില്‍ ജാപ്പനീസ് വാഹന നിര്‍മ്മാതാക്കളായ ടൊയോട്ട 20 വര്‍ഷം പൂര്‍ത്തിയാക്കുന്നു. ഇതിന്റെ ഭാഗമായി മൂന്ന് മാസം നീണ്ടു നില്‍ക്കുന്ന മെഗാ സര്‍വീസ് കാര്‍ണിവലിനാണ് ടൊയോട്ട തുടക്കം കുറിച്ചിരിക്കുന്നത്. ഒക്ടോബര്‍ 1ന് ആരംഭിച്ച കാര്‍ണിവല്‍ ഡിസംബര്‍ 31ന് അവസാനിക്കും.

ടൊയോട്ടയുടെ സര്‍വീസ് കാര്‍ണിവല്‍ കാലയളവില്‍ രാജ്യത്തെമ്പാടുമുള്ള ടൊയോട്ട സര്‍വീസ് സെന്ററുകളില്‍ നിന്ന് ആകര്‍ഷകമായ ഓഫറുകള്‍ ലഭിക്കും. കാര്‍ സര്‍വീസിനു പുറമേ പാര്‍ട്‌സുകള്‍ക്കും ടയര്‍, ബാറ്ററി തുടങ്ങിയവ മാറ്റുന്നതിനും ഉപഭോക്താക്കള്‍ക്ക് ഇളവുകള്‍ ലഭിക്കും. ആഡംബര വാഹനങ്ങളായ ഇന്നോവ ക്രിസ്റ്റ, ഫോര്‍ച്യൂണര്‍ എന്നീ മോഡലുകള്‍ക്ക് നിര്‍ബന്ധിത 14 പോയിന്റ് സുരക്ഷ പരിശോധനകള്‍ കമ്പനി ഉറപ്പ് നല്‍കുന്നുണ്ട്. കോംബോ ഭാഗങ്ങള്‍ക്കും ലേബര്‍ ചാര്‍ജിലും 20 ശതമാനം ഇളവുകളും ലഭിക്കുമെന്ന് കമ്പനി അറിയിച്ചിട്ടുണ്ട്.

ഇന്ത്യയില്‍ വിജയകരമായി 20 വര്‍ഷം പൂര്‍ത്തിയാക്കിയ ടൊയോട്ടയുടെ യാത്രയില്‍ പിന്തുണ നല്‍കിയവര്‍ക്ക് ടൊയോട്ട കിര്‍ലോസ്‌കര്‍ മോട്ടോര്‍ ഡെപ്യൂട്ടി മാനേജിംഗ് ഡയറക്ടര്‍ എന്‍.രാജ നന്ദി പറഞ്ഞു. ഉപഭോക്താക്കളുടെ ഫീഡ്ബാക്കും അഭിനന്ദനങ്ങളും മികച്ച വാഹനങ്ങള്‍ പുറത്തിറക്കുന്നതിന് പ്രേരണയാകുന്നതായും അദ്ദേഹം കൂട്ടിച്ചേര്‍ത്തു.

2 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close