പുതിയ ജെയിംസ് ബോണ്ട് ചിത്രമായ നോ ടൈം ടുഡൈയ്ക്ക് വേണ്ടിയുള്ള കാത്തിരിപ്പിലാണ് ആരാധകര്. ഈ ചിത്രത്തോടെ നടന് ഡാനിയല് ക്രെയ്ഗ് ജെയിംസ് ബോണ്ട് സിരീസില് നിന്ന് പിന്മാറുകയാണ്. ഇതോടെ ക്രെയ്ഗിനു ശേഷം ആരാവും അടുത്ത സീക്രട്ട് ഏജന്റ് 007 എന്ന ആകാംക്ഷയിലാണ് ആരാധകര്.
റിച്ചാര്ഡ് മാഡന്, ഇദ്രിസ് എല്ബ, സിലിയന് മര്ഫി തുടങ്ങിയവരുടെ പേരാണ് ആദ്യം ഉയര്ന്നു കേട്ടത്. എന്നാല് പുതിയ സീക്രട്ട് ഏജന്റ് സ്ത്രീയാണെന്ന സൂചനകളും പുറത്ത് വന്നിരുന്നു. നോ ടൈം ടു ഡൈയില്, ക്യാപ്റ്റന് മാര്വലിലെ താരമായ ലഷാന ലിഞ്ച് ആയിരിക്കും അടുത്ത സീക്രട്ട് ഏജന്റ് 007 എന്നും സ്ഥിരീകരിക്കാത്ത റിപ്പോര്ട്ട് ഉണ്ടായിരുന്നു.
എന്നാല് ഒരു പെണ് ബോണ്ട് വേണമെന്ന ആവശ്യവുമായി ബോളിവുഡ് താരം പ്രിയങ്ക ചോപ്ര രംഗത്തെത്തിയിരിക്കുകയാണ്. പെണ് ബോണ്ട് വേണമെങ്കില് അഭിനയിക്കാന് തയ്യാറാണെന്നും താരം തന്റെ ആഗ്രഹം വെളിപ്പെടുത്തിയിരിക്കുകയാണ്. ഒരു സ്ത്രീ ബോണ്ട് വേഷം ചെയ്യുന്നത് കാണാന് ആഗ്രഹിച്ചിരുന്നുവെന്നും ഈ ജന്മം തന്നെ അതു നടക്കണമെന്നുമാണ് ആഗ്രഹമെന്നും പ്രിയങ്ക പറഞ്ഞു.
ഷോണ് കോണറിയും റോജര് മൂറുമാണ് ഏറ്റവും കൂടുതല് തവണ ജെയിംസ് ബോണ്ടായി ചിത്രത്തില് എത്തിയത്. ഇരുവരും ഏഴു വീതം ചിത്രങ്ങളിലാണ് അഭിനയിച്ചത്. ഡാനിയല് ക്രെയ്ഗ് നാലാമത്തെ ചിത്രമാണ് നോ ടൈം ടു ഡൈ. കാസിനോ റോയല്, ക്വാണ്ടം ഓഫ് സോളസ്, സ്കൈഫോള്, സ്പെക്ടര് എന്നീ ചിത്രങ്ങളാണ് ക്രെയ്ഗിന്റെ മറ്റു ബോണ്ട് ചിത്രങ്ങള് അതേസമയം ബോണ്ട് ചിത്രങ്ങളില് സീക്രട്ട് ഏജന്റായി ഒരിക്കലും സ്ത്രീകള് ഉണ്ടാവില്ലെന്ന് ചിത്രത്തിന്റെ നിര്മ്മാതാവായ ആല്ബര്ട്ട് ആര് ബ്രൊക്കോളി നേരത്തെ വ്യക്തമാക്കിയിരുന്നു.
