ന്യൂഡല്ഹി: ഔദ്യോഗിക വാഹനം ഒഴിവാക്കി ഇന്റര്സെപ്റ്ററില് സാഹസിക ബൈക്ക് യാത്ര നടത്തിയ പേമാഖണ്ഡുവിന്റെ ചിത്രം സമൂഹ മാധ്യമത്തില് ഏറെ വൈറലായതാണ്. സംസ്ഥാനത്തെ വിനോദ സഞ്ചാര മേഖലയെ പ്രോത്സാഹിപ്പിക്കുന്നതിന്റെ ഭാഗമായാണ് അരുണാചല് പ്രദേശ് മുഖ്യമന്ത്രി പേമഖണ്ഡു അന്ന് സാഹസിക യാത്ര സംഘടിപ്പിച്ചത്. എന്നാല് ഇപ്പോഴിതാ അതിനെ കടത്തി വെട്ടുന്ന പ്രകടനവുമായി മുഖ്യമന്ത്രി വീണ്ടും രംഗത്തെത്തിയിരിക്കുകയാണ്.
ഇത്തവണയും ലക്ഷ്യം സംസ്ഥാനത്തിന്റെ ടൂറിസം പ്രോമോഷന് തന്നെയാണ്. ബൈക്കിനു പകരം പൊളാരിസിന്റെ എടിവിയാണ് മുഖ്യമന്ത്രി ഓടിച്ചത്. തവാങ് മലനിരകളിലൂടെയാണ് സ്റ്റൈലിഷായി അദ്ദേഹം വാഹനം ഓടിച്ചത്. ഫെയ്സ്ബുക്കിലൂടെ അദ്ദേഹം തന്നെയാണ് വീഡിയോ പോസ്റ്റ് ചെയ്തിരിക്കുന്നത്. യാത്രയ്ക്കൊരുങ്ങുന്ന ചിത്രങ്ങളും ഇതിനോടൊപ്പം പങ്കുവെച്ചിട്ടുണ്ട്.
തവാങ്ങിലെ സോ തടാകം മുതല് മാഗോ വരെയുള്ള 107 കിലോമീറ്റര് ദൂരമാണ് ഇത്തവണത്തെ സാഹസിക യാത്രയ്ക്ക് തിരഞ്ഞെടുത്തത്. ശ്വാസം നിലച്ചു പോകുന്ന യാത്ര ആസ്വദിക്കു എന്ന അടികുറിപ്പോടെയാണ് ചിത്രങ്ങള് പങ്കുവെച്ചത്.
Full throttle at icy heights of Tawang. Enjoy the breathtaking views!
Posted by Pema Khandu on Sunday, October 27, 2019
നേരത്തെ, 2 മണിക്കൂര് കൊണ്ട് 122 കിലോമീറ്റര് ദൂരമാണ് ബൈക്ക് യാത്ര നടത്തിയത്.
സിയാങിന്റെ ഹെഡ്ക്വാര്ട്ടറായ യിങ് കിയാങില് നിന്നും ആരംഭിച്ച് കിഴക്കന് സിയാങിന്റെ ഹെഡ്ക്വാര്ട്ടറായ പസിഘാട്ട് വരെയായിരുന്നു യാത്ര.