കൊച്ചി: പ്രമുഖ ജര്മ്മന് ആഡംബര കാര് നിര്മ്മാതാക്കളായ ഔഡിയുടെ പുതിയ മോഡലായ A6 ലക്ഷ്വറി സെഡാന് കേരള വിപണിയിലും. എട്ടാം തലമുറയായ A6 നിരവധി സവിശേഷതകളോടെയാണ് വിപണിയിലെത്തുന്നത്. വൈറ്റ്, ബ്ലൂ, ബ്ലാക്ക്, റെഡ്, ഗ്രേ എന്നീ അഞ്ച് നിറങ്ങളിലാണ് വാഹനം ലഭ്യമാവുക. പുതിയ ഔഡി A6 ന് ഔഡി കൊച്ചി ഡീലര്ഷിപ്പില് 54.56 ലക്ഷം രൂപ മുതലാണ് വില.
കരുത്തുറ്റതും വേഗതയേറിയതുമായ 2 ലിറ്റര് ടി.എഫ്.എസ്.ഐ എന്ജിനാണ് സെഡാനിലുള്ളത്. 245 എച്ച്.പി ടോര്ക്കും 370 എന്.എം ടോര്ക്കുമുള്ള എന്ജിനാണിത്. പൂജ്യത്തില് നിന്ന് 100 കിലോമീറ്റര് വേഗം കൈവരിക്കാന് 6.8 സെക്കന്ഡ് മതി. ആകര്ഷകമാണ് ഔഡി A6 ന്റെ രൂപഭംഗി. ഔഡിയുടെ ഇന്ത്യയിലെ ആദ്യ ബി.എസ്-6 മോഡല് കൂടിയായ പുതിയ A6, നവീന ഫീച്ചറുകളാലും സമ്പന്നമാണ്. ഡിസംബര് 31 വരെ ഔഡി A6നൊപ്പം മൈ ഔഡി കണക്റ്റ് ആപ്പ് സൗജന്യമായി ലഭിക്കും.
അത്യാധുനിക ഫീച്ചറുകളോട് കൂടിയ 25.65 സെന്റീമീറ്റര് ടച്ച്സ്ക്രീന് ഇന്ഫോടെയിന്മെന്റ്, മൈ ഔഡി കണക്ട് സര്വീസുള്ള ഡിജിറ്റല് എം.എം.ഐ ടച്ച് ഓപ്പറേറ്റിംഗ് സിസ്റ്റം, വയര്ലെസ് ചാര്ജിംഗ്, ഔഡി പാര്ക്ക് അസിസ്റ്റ്, 530 ലിറ്റര് ലഗേജ് കപ്പാസിറ്റി, സുഖയാത്ര ഉറപ്പാക്കുന്ന ഹെവി ഡ്യൂട്ടി സസ്പെന്ഷന്, അനായാസ ഡ്രൈവിംഗ് സാദ്ധ്യമാക്കുന്ന പ്രോഗ്രസീവ് സ്റ്റിയറിങ്ങ്, മുന്നിലും പിന്നിലും പാര്ക്കിങ് സെന്സര്, 360 ഡിഗ്രി ക്യാമറ, ഇലക്ട്രോണിക് സ്റ്റെബിലിറ്റി പ്രോഗ്രാം, ഓട്ടോ ഹോള്ഡ് ഫങ്ഷനോടുകൂടിയ ഇലക്ട്രിക് പാര്ക്കിങ് തുടങ്ങിയ സംവിധാനങ്ങളും വാഹനത്തിലുണ്ട്. മണിക്കൂറില് 250 കിലോമീറ്ററാണ് പരമാവധി വേഗത.