ഇലക്ട്രിക് വാഹന രംഗത്തെ വമ്പന്മാരായ ടെസ്ലയുടെ മോഡല് വൈ ഇലക്ട്രികിനോട് നേരിട്ട് ഏറ്റുമുട്ടാന് ഫോര്ഡിന്റെ പുതിയ ഇലക്ട്രിക് എസ്.യു.വി. മസ്താങില് നിന്ന് പ്രചോദനം ഉള്ക്കൊണ്ട് മസ്താങ് മാക് ഇ എന്ന പേരിലാണ് ഫോര്ഡിന്റെ ആദ്യ സമ്പൂര്ണ ഇലക്ട്രിക് എസ്.യു.വി പുറത്തിറങ്ങിയത്.
ഒറ്റചാര്ജില് 483 കിലോ മീറ്റര് ദൂരം പോകാമെന്നാണ് വാഹന നിര്മ്മാതാക്കള് അവകാശപ്പെടുന്നത്. സെലക്ട്, പ്രീമിയം, കാലിഫോര്ണിയ റൂട്ട് 1, ഫസ്റ്റ് എഡിഷന്, ജിടി എന്നീ അഞ്ച് വകഭേദങ്ങളില് മാക്ക് ഇ ലഭ്യമാകും. 43,895 ഡോളര് മുതല് 60,500 ഡോളര് വരെയാണ് (31.504342 ലക്ഷം രൂപ) അമേരിക്കയില് വാഹനത്തിന്റെ വിപണി വില.
രൂപത്തില് മസ്താങില് നിന്ന് ചില സാമ്യതകള് മാത്രമേ മസ്താങ് മാക് ഇ ഇലക്ട്രിനുള്ളു. ഇലക്ട്രിക് വാഹനമായതിനാല് മുന് ഭാഗത്തുള്ള ഗ്രില് ഇല്ല. കൂപ്പെയ്ക്ക് സമാനമായ റൂഫ്, ഹിഡണ് ഡോര് ഹാന്ഡില്, വലിയ അലോയി വീല്, പനോരമിക് സണ്റൂഫ് എന്നിവ മസ്താങിനെ വ്യത്യസ്തനാക്കും. യാത്രക്കാര്ക്ക് ധാരാളം സ്ഥലസൗകര്യം മസ്താങ് മാക് ഇ വാഗ്ദാനം ചെയ്യുന്നു. എന്ജിന് ഇല്ലാത്തതിനാല് മുന് ഭാഗത്ത് ബോണറ്റിനടിയില് 136 ലിറ്റര് സ്റ്റേറേജ് സ്പേസ് ലഭിക്കും.
ഫ്ളോറില് നിരപ്പായാണ് ബാറ്ററിയുടെ സ്ഥാനം. സ്റ്റാന്റേര്ഡ്, എക്സ്റ്റന്റഡ് എന്നീ രണ്ട് ബാറ്ററി റേഞ്ചുകള് വാഹനത്തിനുണ്ടാകും. മൂന്ന് സെക്കന്ഡിനുള്ളില് 0-60 mph വേഗത കൈവരിക്കാന് ഏറ്റവും ഉയര്ന്ന മാക് ഇ ജിടി ഇലക്ട്രിക്കിന് സാധിക്കും. ബാക്കിയുള്ള മോഡലുകള്ക്ക് 5/6 സെക്കന്ഡ് വേണം ഈ വേഗതയിലെത്താന്. പ്രീമിയം, കാലിഫോര്ണിയ റൂട്ട് 1 എന്നിവ ഒറ്റചാര്ജില് 483 കിലോമീറ്റര് സഞ്ചരിക്കും. ജിടി മോഡല് 378 കിലോമീറ്ററും ഫസ്റ്റ് എഡിഷന് 434 കിലോമീറ്ററും സെലക്ട് 370 കിലോമീറ്റര് ദൂരവും സഞ്ചരിക്കും. 255-332 എച്ച്പി പവറും 415-565 എന്എം ടോര്ക്കുമേകുന്ന ഇലക്ട്രിക് മോട്ടോറുകളാണ് ഓരോ മോഡലുകളിലും ഉള്പ്പെടുത്തുക.
അടുത്ത വര്ഷം അവസാനത്തോടെ ഇലക്ട്രിക് വാഹനം പുറത്തിറക്കും. അമേരിക്ക, യൂറോപ്യന് വിപണികളിലാണ് മാക് ഇ ആദ്യം എത്തുക. ഇന്ത്യന് വിപണിയിലേക്ക് മാക് ഇ വരുന്ന കാര്യത്തില് ഇതുവരെ സൂചനകളൊന്നും ഫോര്ഡ് നല്കിയിട്ടില്ല.