ജര്മ്മന് ആഡംബര കാര് നിര്മ്മാതാക്കളായ ഔഡിയുടെ എസ് യു വി ക്യൂ8 മോഡല് ജനുവരിയില് ഇന്ത്യയിലെത്തും. എസ്യുവികള്ക്ക് രാജ്യത്ത് ആവശ്യക്കാര് വര്ദ്ധിച്ചതോടെയാണ് ജനുവരിയോടെ വാഹനം പുറത്തിറക്കാന് കമ്പനി തീരുമാനിച്ചത്.
ഏകദേശം ജനുവരി 15-ഓടെ കാര് ഇന്ത്യന് വിപണിയിലെത്തുമെന്നാണ് സൂചന. അടുത്തിടെ പുറത്തിറക്കിയ A6 പ്രീമിയം സെഡാനാണ് കമ്പനിയുടെ ആദ്യത്തെ ബിഎസ്-വിഐ മോഡല്. 2025-ഓടെ രാജ്യത്ത് ഔഡിയുടെ സാന്നിധ്യം കൂടുതല് ശക്തമാക്കാനാണ് കമ്പനിയുടെ തീരുമാനം.
അന്താരാഷ്ട്ര വിപണിയില് ലഭ്യമായ ക്യൂ8 ല് ആറ് എയര്ബാഗുകള്, ഇലക്ട്രോണിക് സ്റ്റെബിലിറ്റി കണ്ട്രോള്, ഇലക്ട്രോ മാഗ്നെറ്റിക്ക് പാര്ക്കിംഗ് ബ്രേക്ക്, എന്നിവയാണ് സുരക്ഷയ്ക്കായി വാഹനത്തിലുള്ള സജ്ജീകരണം.
ഔഡി ക്യൂ8ന് 68,200 യുഎസ് ഡോളറാണ് വില. ഇന്ത്യന് വിപണിയില് ഏകദേശം 48.66 ലക്ഷം രൂപ ആയിരിക്കും വാഹനത്തിന്റെ വില. എന്നാല് ഇന്ത്യന് പതിപ്പിന്റെ വിലയെക്കുറിച്ച് വ്യക്തമായ വിവരങ്ങള് കമ്പനി പുറത്തുവിട്ടിട്ടില്ല. എന്നാല് ഒരു കോടി രൂപയാണ് വാഹനത്തിന് പ്രതീക്ഷിക്കുന്ന വില