മോട്ടോര് യൂണിറ്റില് തകരാര് കണ്ടെത്തിയതിനെ തുടര്ന്ന് 63493 കാറുകള് തിരിച്ചു വിളിക്കാനൊരുങ്ങി മാരുതി സുസുക്കി. 2019 ജനുവരി 1 മുതല് നവംബര് 21 വരെ നിര്മ്മിച്ച സിയാസ്, എര്ടിഗ, എക്സ്എല്6 എന്നീ കാറുകളുടെ പെട്രോള് സ്മാര്ട്ട് ഹൈബ്രിഡ് പതിപ്പുകളാണ് തിരിച്ചു വിളിക്കുന്നത്. തകരാര് കണ്ടെത്തിയാല് മോട്ടോര് ജനറേറ്റര് യൂണിറ്റ് സൗജന്യമായി മാറ്റി നല്കുമെന്നും കമ്പനി അറിയിച്ചിട്ടുണ്ട്.
ഡിസംബര് 6 മുതല് ഉപഭോക്താക്കളുമായി ബന്ധപ്പെട്ട് തുടങ്ങിയെന്നും ഉപഭോക്താക്കളുടെ സുരക്ഷയും മാരുതിയോടുള്ള വിശ്വാസ്യതയും സംരക്ഷിക്കുന്നതിന്റെ ഭാഗമായാണ് വാഹനങ്ങള് തിരിച്ച് വിളിച്ച് പരിശോധിക്കുന്നതെന്ന് കമ്പനി വ്യക്തമാക്കി.
ഈ കാലഘട്ടത്തില് നിര്മ്മിച്ച വാഹനങ്ങളുടെ ഷാസി നമ്പര് മാരുതി സുസുക്കിയുടെ വെബ്സൈറ്റില് നല്കിയാല് വാഹനത്തിന് പരിശോധന ആവശ്യമുണ്ടോയെന്നറിയാന് സാധിക്കുമെന്നും കമ്പനി അറിയിച്ചിട്ടുണ്ട്.