ജക്കാര്ത്ത: തായ്ലാന്റിന്റെ റാച്ചാനോക്ക് ഇന്റാനോണ് ഇന്തോനേഷ്യന് മാസ്റ്റേഴ്സ് വനിതാ ചാമ്പ്യനായി. ഒളിമ്പിക് ചാമ്പ്യനായ കാരോലിനാ മാരിനെ അട്ടിമറിച്ചാണ് തായ് താരത്തിന്റെ കിരീട നേട്ടം. 21-19, 11-21, 21-18 നാണ് റാച്ചാനോക്ക് സ്വപ്നനേട്ടം കൈവരിച്ചത്. മൂന്ന് ഗെയിമുകളിലേക്ക് നീണ്ട മത്സരത്തില് തായ്താരം ശക്തമായ പോരാട്ടമാണ് കാഴ്ചവച്ചത്.
സുപ്രധാന കിരീടപോരാട്ടങ്ങളില് സ്ഥിരമായി ഫൈനലില് കയറുന്ന മാറിന് എന്നും എതിരാളികള്ക്ക് പേടി സ്വപ്നമാണ്. ഇന്ത്യന് താരങ്ങളായ സൈനക്കും സിന്ധുവിനും എന്നും വെല്ലുവിളിയാണ് സ്പെയിനിന്റെ മാറിന്.
പുരുഷ വിഭാഗത്തില് ആതിഥേയരാജ്യത്തിന്റെ ആന്റണി ഗിന്റ്റിംഗ് കിരീടം ചൂടി.ഡെന്മാര്ക്കിന്റെ ആന്റ്റോണ്സെനിനെ 17-21,21-15,21-9നാണ് ഇന്തോനേഷ്യന് താരം മുട്ടുകുത്തിച്ചത്. നിലവിലെ ചാമ്പ്യനാണ് ഗിന്റിംഗ്.
ഡബിള്സില് ഇന്തോനേഷ്യന് ജോഡിയാണ് കിരീടം ചൂടിയത്. ഫെര്ണാള്ഡി ഗിഡോണ് -കെവിന് സഞ്ജയ് സുകാമുല്ജോ ജോഡി നാട്ടുകാരായ മുഹമ്മദ് അഹ്സന്- ഹെന്ഡ്ര സെറ്റിയാവാന് സഖ്യത്തെ 21-15,21-16നാണ് തോല്പ്പിച്ചത്.
