തിരുവനന്തപുരം: കോവിഡ് 19 വൈറസ് ബാധയുടെ പശ്ചാത്തലത്തില് സാമൂഹിക മാദ്ധ്യമങ്ങളിലൂടെ വ്യാജ വാര്ത്തകള് പ്രചരിപ്പിച്ചതിന് സംസ്ഥാനത്ത് മൂന്നുപേര് കൂടി അറസ്റ്റിലായി. ഇതോടെ ആകെ അറസ്റ്റിലായവരുടെ എണ്ണം ഏഴായി. 12 കേസുകളാണ് ഇതുവരെ രജിസ്റ്റർ ചെയ്തത്.
മലപ്പുറം ജില്ലയിലെ കൊണ്ടോട്ടി പോലീസ് സ്റ്റേഷനില് രണ്ടു കേസുകളും എറണാകുളം സിറ്റിയിലെ ചേരാനെല്ലൂര്, പാലക്കാട് ജില്ലയിലെ ചെര്പ്പുളശ്ശേരി പോലീസ് സ്റ്റേഷനുകളില് ഓരോ കേസുമാണ് രജിസ്റ്റര് ചെയ്തിരിക്കുന്നത്.
ചെര്പ്പുളശ്ശേരി പോലീസ് സ്റ്റേഷനില് രജിസ്റ്റര് ചെയ്ത കേസില് മലപ്പുറം സ്വദേശി അബൂബക്കര് അറസ്റ്റിലായിട്ടുണ്ട്. കോഴിക്കോട് റൂറലിലെ കാക്കൂര് പോലീസ് സ്റ്റേഷനില് കഴിഞ്ഞ ദിവസം രജിസ്റ്റര് ചെയ്ത കേസിലാണ് റിചിന് കൃഷ്ണ, ആദര്ശ് എന്നിവര് അറസ്റ്റിലായത്.