കന്നഡ സൂപ്പർ താരം രാജ്കുമാറിന്റെ പാട്ട് പാടാൻ ശ്രമിച്ച് ലാലേട്ടൻ : ദൃശ്യങ്ങൾ ഏറ്റെടുത്ത് കന്നഡ ആരാധകരും

കന്നഡ ജനത നെഞ്ചേറ്റിയ സൂപ്പർ താരമാണ് ഡോ. രാജ്കുമാർ . മലയാളത്തിലെ സൂപ്പർ താരമായ മോഹൻലാലുമായും അദ്ദേഹം സൗഹൃദം പുലർത്തിയിരുന്നു .

ഇപ്പോഴിതാ രാജ്കുമാർ നായകനായ ‘ഏറടു കനസു ’ എന്ന ചിത്രത്തിലെ ‘എന്നെന്തു നിന്നു മരേതു..’ എന്ന ഗാനം ആലപിക്കാൻ ശ്രമിക്കുന്ന മോഹൻലാലിന്റെ ദൃശ്യങ്ങളാണ് സോഷ്യൽ മീഡിയയിൽ വൈറലാകുന്നത് . മെയ് 21 മോഹൻലാലിന്റെ ജന്മദിനമാണ്. അതിനു മുന്നോടിയായാണ് ദൃശ്യങ്ങൾ പ്രചരിക്കുന്നത് .

ഒരു കൈയ്യിൽ മൊബൈൽ ഫോൺ പിടിച്ച് പാട്ട് ആസ്വദിക്കുകയും , ഒപ്പം പാടാൻ ശ്രമിക്കുകയും ലാൽ . മലയാളികൾ മാത്രമല്ല കന്നഡ സിനിമ ആരാധകരും വീഡിയോ ഏറ്റെടുത്തു കഴിഞ്ഞു.