കൊച്ചി: പെരുമ്പാവൂരില് ലോക്ക് ഡൗണ് നിര്ദ്ദേശം ലംഘിച്ച് പുറത്തിറങ്ങിയ യുവാക്കള് വാഹനം തടഞ്ഞ പൊലീസുകാരെ മര്ദ്ദിച്ചു. പെരുമ്പാവൂര് ചെമ്പറക്കിയിലാണ് സംഭവം. ലോക്ക് ഡൗണ് നിര്ദ്ദേശങ്ങള് ലംഘിച്ച് പുറത്തിറങ്ങിയ യുവാക്കളെ പൊലീസ് തടഞ്ഞതിനെ തുടര്ന്നുണ്ടായ വാക്കേറ്റമാണ് മര്ദ്ദനത്തില് കലാശിച്ചത്.
പൊലീസുകാരെ ഇവര് ഭീഷണിപ്പെടുത്തുകയും മര്ദ്ദിക്കുകയും ചെയ്യുകയായിരുന്നു. പൊലീസ് ഉദ്യോഗസ്ഥരെ മര്ദ്ദിച്ച യുവാക്കളെ തടിയിട്ടപ്പറമ്പ് പൊലീസ് കസ്റ്റഡിയിലെടുത്തു. ലോക്ക് ഡൗണ് നിര്ദ്ദേശങ്ങള് ലംഘിച്ച് പുറത്ത് കറങ്ങി നടക്കുന്നവര്ക്കെതിരെ കര്ശന നടപടികളാണ് പൊലീസ് സ്വീകരിക്കുന്നത്.
നിരോനാജ്ഞ നിലവിലുള്ള സ്ഥലങ്ങളില് ഉള്പ്പെടെ സ്വകാര്യ വാഹനങ്ങള് ഒടുന്നുണ്ട് ഈ സാഹചര്യത്തിലാണ് നിര്ദ്ദേശങ്ങള് ലംഘിച്ച് പുറത്തിറങ്ങുന്നവരെ അറസ്റ്റ് ചെയ്യാന് പൊലീസ് തീരുമാനിച്ചത്. ലോക്ക് ഡൗണ് നിര്ദ്ദേശം ലംഘിച്ച് പുറത്തിറങ്ങിയ എസ്എഫ്ഐ തിരുവനന്തപുരം ജില്ലാ സെക്രട്ടറി റിയാസ് വഹാബിനെതിരെയും കേസ് ഉണ്ട്. വര്ക്കല പൊലീസാണ് ഇയാള്ക്കെതിരെ കേസ് രജിസ്റ്റര് ചെയ്തത്.
